Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6, 24-moddalari, Oʻzbekiston Respublikasi “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida”gi PF-6121-sonli Farmoni, Oʻzbekiston Respublikasi Soliq kodeksining Suv resurslaridan foydalanganlik uchun soliq stavkalari haqidagi, Oʻzbekiston Respublikasi Iqtisodiyot va moliya vazirligining 2025-yil 17-dekabrdagi 03/41-4-28285-son xati asosida, “Mirobod tumanida 2026-yilda suv resurslaridan foydalanganlik uchun soliq stavkasiga va noruda qurilish materiallari uchun belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar miqdorini belgilash toʻgʻrisida”gi Mirobod tuman Soliq inspeksiyasining takliflari asosida xalq deputatlari Mirobod tuman Kengashi qaror qiladi:

1. Oʻzbekiston Respublikasi Iqtisodiyot va moliya vazirligining 2025-yil 17-dekabrdagi 03/41-4-28285-sonli xatida berilgan “suv resurslaridan foydalanganlik uchun soliq stavkasiga va noruda qurilish materiallari uchun belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar toʻgʻrisida”gi takliflari inobatga olinsin.

2. Mirobod tuman Soliq inspeksiyasining 2026-yilda suv resurslaridan foydalanganlik uchun soliq stavkasiga va noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar yuzasidan kiritgan taklifi maʼlumot uchun qabul qilinsin.

3. Mirobod tuman Soliq inspeksiyasi hamda Kengash deputatlari va doimiy komissiyalari tomonidan bildirilgan takliflar asosida tayyorlangan “Mirobod tumanida 2026-yilda suv resurslaridan foydalanganlik uchun soliq stavkasiga va noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlarni tasdiqlash toʻgʻrisida”gi Kengash qarori “regulation.gov.uz” saytida ID-111080-raqami bilan 15 kun muddatga jamoatchilik muhokamasiga qoʻyilganligi inobatga olinsin.

4. Mirobod tumanida 2026-yilda mahalliy soliqlar va boshqa majburiy toʻlovlarning stavkalari qonunchilikda belgilangan miqdorlarda, quyidagicha;

suv resurslaridan foydalanganlik uchun soliq stavkasiga qoʻllaniladigan koeffitsiyentlar miqdori 1-ilovaga muvofiq;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan koeffitsiyentlar miqdori 2-ilovaga muvofiq tasdiqlansin.

5. Mirobod tumani soliq inspeksiyasi (X. Inomov)ga:

2026-yilda suv resurslaridan foydalanganlik uchun soliq stavkasiga va noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar toʼgʼrisidagi qaror ijrosini sifatli darajada taʼminlash vazifasi yuklatilsin.

Mirobod tuman soliq inspeksiyasi budjet daromadlari koʻrsatkichlarining bajarilishini taʼminlash, soliq bazasini kengaytirish hamda tumanning iqtisodiy salohiyatini oshirish yuzasidan, xalq deputatlari Mirobod tuman Kengashiga har chorak yakuni boʻyicha maʼlumot kiritib borsin.

6. Mirobod tuman hokimligi va tuman soliq inspeksiyasi tomonidan mazkur qarorning ommaviy axborot vositalarida yoritilishi taʼminlansin.

7. Mazkur qaror 2026-yilning 1-yanvar sanasidan kuchga kiradi.

8. Ushbu qaror ijrosi yuzasidan, tuman soliq inspeksiyasi hamda jismoniy yoki yuridik shaxslar oʻrtasida kelib chiqadigan nizolar oʻrnatilgan tartibda sud orqali hal qilinadi.

9. Xalq deputatlari Mirobod tuman Kengashining 2024-yil 27-dekabrdagi “Mirobod tumanida 2025-yilda suv resurslaridan foydalanganlik uchun soliq stavkasiga va noruda qurilish materiallari uchun belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar toʻgʻrisida”gi III-4-029-14-199-K/24-sonli qarori 2026-yil 1-yanvardan oʻz kuchini yoʻqotgan deb hisoblansin.

10. Ushbu qarorning bajarilishini nazorat qilish, xalq deputatlari Mirobod tuman Kengashining Mahalliy byudjet, tadbirkorlikni rivojlantirish va iqtisodiy islohotlarni amalga oshirish masalalari boʻyicha doimiy komissiyasi (A. Mamanazarov) zimmasiga yuklatilsin.