“Mahalliy davlat hokimiyati toʻgʻrisida”gi Oʻzbekiston Respublikasi Qonuni va Oʻzbekiston Respublikasi Budjet kodeksiga asosan hamda Xalq deputatlari Namangan viloyati Kengashining “Namangan viloyatining 2026-yilgi mahalliy budjetini tasdiqlash toʻgʻrisida” 2025-yil 29-dekabrdagi VII-17-165-6-0-K/25-son qaroriga muvofiq Xalq deputatlari Namangan shahar Kengashi, qaror qiladi:

1. Xalq deputatlari Namangan viloyati Kengashining “Namangan viloyatining 2026-yilgi mahalliy budjetini tasdiqlash toʻgʻrisida” 2025-yil 29-dekabrdagi VII-17-165-6-0-K/25-son qaroriga muvofiq Namangan shahar budjetining 2026-yilgi daromadlari 369 861 272 ming soʻm, umumiy xarajatlari esa 369 861 272 ming soʻm, shundan Namangan shahar 178 300 262 ming soʻm, Davlatobod tumani 108 266 656 ming soʻm va Yangi Namangan tumani 83 294 354 ming soʻm, shuningdek 2026-yil uchun shaxsiy gʻazna hisobvaragʻida turgan budjet mablagʻlarining yoʻl qoʻyiladigan eng kam miqdori 1 173 131 ming soʻm etib belgilanganligi maʼlumot uchun qabul qilinsin.

2. Quyidagilar:

2026-yil uchun Namangan shahar budjeti daromadlari prognozi 1-ilovaga muvofiq;

2026-yil uchun Namangan shahar budjetidan hududiy budjet mablagʻlarini taqsimlovchilarga ajratiladigan mablagʻlarning cheklangan miqdorlari 2-ilovaga muvofiq;

2026-yil uchun Namangan viloyati va Namangan shahar budjetlari oʻrtasida ajratmalar normativlari belgilanadigan umumdavlat soliqlari va boshqa majburiy toʻlovlar, shuningdek soliq boʻlmagan toʻlovlar 3-ilovaga muvofiq tasdiqlansin.

3. Namangan shahar jami mahalliy budjeti zaxira jamgʻarmasi 5 588 121 ming soʻm, shundan Namangan shahar uchun 3 249 276 ming soʻm, Davlatobod tumani uchun 1 428 896 .ming soʻm va Yangi Namangan tumani uchun 909 949 ming soʻm etib belgilansin.

Bunda, zaxira jamgʻarmasi mablagʻlarini amaldagi budjet qonunchiligiga muvofiq, budjet tizimi budjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy barqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

4. Ushbu qaror “Namangan sadosi” gazetasida rasmiy eʼlon qilinsin hamda rasmiy eʼlon qilingandan keyin bir kun ichida hokimlikning rasmiy veb-saytiga joylashtirilsin.

5. Qaror rasmiy eʼlon qilingan kundan eʼtiboran kuchga kiradi.

6. Mazkur qaror ijrosini taʻminlash shahar hokimining birinchi oʻrinbosari D. Umurzakovga va qarorning bajarilishini nazorat qilish Xalq deputatlari shahar Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi R. Isakovga yuklansin.