Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash maqsadida Toʻrtkoʻl tumani “Suv yetkazib berish xizmati” davlat muassasasi direktori M. Ibadullayevning 2025-yil 28-noyabr kungi 11-15114-sonli xati bilan kiritgan taklifini tinglab,muhokama qilib hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6, 24-moddalariga asosan xalq deputatlari Toʻrtkoʻl tumani Kengashi qaror qiladi:

1. Toʻrtkoʻl tumani “Suv yetkazib berish xizmati” davlat muassasasi direktori M. Ibadullayevning 2025-yil 28-noyabr kungi 11-15114-sonli xati bilan kiritilgan taklifi maʼlumot uchun qabul qilinsin.

2. Xalq deputatlari Toʻrtkoʻl tumani Kengashining 2025-yil 30-oktabr kungi VII-16-115-13-190-K/25-sonli qarorining ilovasiga oʻzgartirish kiritilsin va ilovaga muvofiq maʼqullansin.

3. Ushbu qarorning bajarilishini taʼminlash vazifasi tuman hokimining qishloq va suv xoʻjaligi masalalari boʻyicha oʻrinbosari — qishloq xoʻjaligi boʻlimi boshligʻi J. Xudaybergenov va qaror ijrosini nazorat qilish xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi (Sh. Kilichov) zimmalariga yuklatilsin.

4. Tuman hokimligining Axborot xizmati rahbari (M. Bekchanova)ga mazkur qarorni tuman hokimligining rasmiy veb-saytiga joylashtirish va ommaviy axborot vositalarida eʼlon qilish vazifasi yuklansin.

5. Ushbu qaror rasmiy eʼlon qilingan kundan kuchga kiradi.