Oʻzbekiston Respublikasi Prezidentining 2023-yil 21-dekabrdagi “Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi PQ-402-sonli qarori hamda “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida”gi 209-sonli farmoniga asosan bugungi kunda ushbu qaror va farmonning amaldagi qonunchilik hujjatlari talablariga muvofiqlashtirish uchun budjet parametrlariga tegishli oʻzgartirishlar kiritish lozim.

Oʻzbekiston Respublikasi “Mahalliy davlat hokimiyati toʻgʻrisida”gi qonunining 6- va 24-moddalariga hamda Budjet kodeksining 27-, 127- va 148-moddalari asosan xalq deputatlari Tuproqqalʼa tumani Kengashi Qaror qiladi:

1. Tuproqqalʼa tumani budjetidan hududiy budjet mablagʻlarini taqsimlovchilarga ajratiladigan mablagʻlar boʻyicha 2025-yilda tasdiqlangan daromadlari 73 mlrd. 976 mln. 984 ming soʻm boʻlib, budjet parametrlariga kiritilgan oʻzgarishlardan keyin reja 74 mlrd. 321 mln. 828 ming soʻmni hamda xarajatlari 73 mlrd. 976 mln. 984 ming soʻm boʻlib, budjet parametrlariga kiritilgan oʻzgarishlardan keyin reja 74 mlrd. 321 mln. 828 ming soʻmni, yaʼni tasdiqlangan rejaga nisbatan daromadlar va xarajatlar 344.8 mln. soʻmga koʻpaygani maʼlumot uchun qabul qilinsin.

2. Xalq deputatlari Tuproqqalʼa tumani Kengashining 2024-yil 27-dekabrdagi “Tuproqqalʼa tumanining 2025-yilgi mahalliy budjetini tasdiqlash toʻgʻrisida”gi VII-4-023-12-218-K/24-sonli qarorining 1-, 2- va 4-ilovalariga quyidagicha:

2025-yil uchun Tuproqqalʼa tumani mahalliy budjet daromadlarning reja koʻrsatkichlari 1-ilovaga;

2025-yil uchun Tuproqqalʼa tumani budjetidan hududiy budjet mablagʻlarini taqsimlovchilarga ajratiladigan mablagʻlarning umumiy cheklangan miqdorlari 2-ilovaga;

2025-yil uchun Tuproqqalʼa tumani mahalliy budjetining daromadlari va xarajatlarining chegaraviy hajmi 3-ilovaga muvofiqoʻzgartirish va qoʻshimchalar kiritilsin.

3. Tuman iqtisodiyot va moliya boʻlimi boshligʻi birinchi oʻrinbosari (B.Atabayev)ga daromadlar va xarajatlar rejasiga tegishli oʻzgartirishlar kiritilishini belgilangan tartibda rasmiylashtirish topshirilsin.

4. Mazkur qaror tuman hokimligining rasmiy veb-saytiga joylashtirilsin.

5. Ushbu qaror rasmiy eʼlon qilingan kundan boshlab kuchga kiradi.

6. Ushbu qarorning bajarilishini nazorat qilish xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi” raisi I.Qalandarov zimmasiga yuklatilsin.