Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-sonli Qonuni, Oʻzbekiston Respublikasining 2025-yil 25-dekabrdagi “Soliq va byudjet siyosatining 2026-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasi Soliq kodeksining 445 va 452-moddalariga muvofiq, tuman soliq inspeksiyasining 2025-yil 22-dekabrdagi 127-sonli xatiga hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, xalq deputatlari Yangiqo`rg`on tumani Kengashi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-sonli Qonuniga, Oʻzbekiston Respublikasining 2025-yil 25-dekabrdagi “Soliq va byudjet siyosatining 2026-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasi Soliq kodeksining 445 va 452-moddalari maʼlumot uchun qabul qilinsin.

2. Tuman Soliq inspeksiyasi hududlarning iqtisodiy rivojlanganlik darajasi hamda tuman hokimligining 2026-yil uchun belgilangan mahalliy byudjet prognozidan kelib chiqib, 2026-yilda Yangiqo`rg`on tumani boʻyicha qishloq xoʻjaligiga moʻljallanmagan yerlar uchun jismoniy va yuridik shaxslar boʻyicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlarni hamda Suv resurslaridan foydalanganlik uchun soliq stavkalariga 2026-yil uchun qoʻllaniladigan koeffitsiyentlar, Noruda qurilish materiallari uchun (sementdan tashqari) belgilangan qatʼi stavkalariga 2026-yil uchun qoʻllaniladigan koeffitsiyentlarini tasdiqlash boʻyicha takliflari inobatga olinsin.

3. 2026-yil uchun Qishloq xoʻjaligi uchun moʻnjalanmagan yerlar uchun yuridik shaxslar boʻyicha mutloq muqdorda belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsiyentlar 1-ilovaga, 2026-yil uchun Jismoniy shaxslar boʻyicha (dehqon xoʻjaligini yuritish uchun berilgan qishloq xoʻjaligiga moʻljallangan yerlardan tashqari) mutlaq miqdorda 1 kv.metr uchun belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsiyentlar 2-ilovaga, 2026-yil uchun suv resurslaridan foydalanganlik uchun soliq stavkalariga qoʻllaniladigan koeffitsiyentlar 3-ilovaga hamda noruda qurilish materiallari uchun (sementdan tashqari) belgilangan qatʼiy stavkalariga 2026-yil uchun qoʻllaniladigan koeffitsiyentlar 4-ilovaga muvofiq tasdiqlansin.

4. Tuman birinchi oʻrinbosari (R. Shomirzayev), tuman Iqtisodiyot va moliya boʻlimi boshligʻi oʻrinbosari (D. Vaxabov), tuman soliq inspeksiyasi (N. Alimov) bilan birgalikda mazkur qaror oʻz vaqtida va samarali bajarilishini taʼminlash choralarini koʻrsin.

5. Tuman hokimligi Axborot xizmati rahbari (K. Djuraboyeva), “Yangiqo`rg`on hayoti” gazetasi muharriri (D. Asqarova) lar mazkur qarorni tegishli tahririyatlar va ommaviy axborot vositalarida yoritilishi tavsiya etilsin hamda tuman hokimligining rasmiy veb-saytiga joylashtirsin.

6. Ushbu qarorni bajarilishini nazorat qilish Yangiqo`gon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya (D.Qodirov)ga, ijrosini taʼminlash tuman hokimining birinchi oʻrinbosari R.Shomirzayev zimmasiga yuklatilsin.

7. Mazkur qaror rasmiy eʼlon qilingan kundan boshlab kuchga kiradi.