Oʻzbekiston Respublikasi Prezidentining 2022 yil 16 avgustdagi “Mahalla institutining jamiyat hayotidagi rolini mustahkamlash va moliyaviy imkoniyatini yanada kengaytirish chora-tadbirlari toʻgʻrisida”gi PQ-353-son qarori va Oʻzbekiston Respublikasi Vazirlar Mahkamasining 2018-yil 23-apreldagi “Maʼmuriy-hududiy birliklar chegaralarini belgilash, yer resurslarini xatlovdan oʻtkazish ham da yaylov va pichanzorlarda geobotanik tadqiqotlarni oʻtkazish tartibini yanada takomillashtirish chora-tadbirlari toʻgʻrisida”gi 299-son qarorida, maʼmuriy_hududiy birlik sifatida qishloqlar va shaharchalar belgilash boʻyicha “Kadastr agentligi davlat kadastrlari palatasi” tuman filial boshligʻi F. Oxunov va Pop tuman kambagʻallikni qisqartirish va bandlikka koʻmaklashish boʻlimi boshligʻi D.Nomozov axborotlariga muvofiq, Oʻzbekiston Respublikasinig “Mahalliy davlat hokimiyati toʻgʻrisida”gi Qonuni 6- va 24-moddalariga asosan, xalq deputatlari tuman Kengashi, qaror qiladi:

1. Oʻzbekiston Respublikasi Prezidentining 2022 yil 16 avgustdagi “Mahalla institutining jamiyat hayotidagi roʻlini mustahkamlash va moliyaviy imkoniyatini yanada kengaytirish chora-tadbirlari toʻgʻrisida”gi PQ-353-son qarori va Oʻzbekiston Respublikasi Vazirlar Mahkamasining 2018-yil 23-apreldagi “Maʼmuriy-hududiy birliklar chegaralarini belgilash, yer resurslarini xatlovdan oʻtkazish ham da yaylov va pichanzorlarda geobotanik tadqiqotlarni oʻtkazish tartibini yanada takomillashtirish chora-tadbirlari toʻgʻrisida”gi 299-son qarorida, maʼmuriy-hududiy birlik sifatida qishloqlar va shaharchalar belgilanganligi ijro uchun qabul qilinsin.

2. Namangan viloyati Pop tumanining maʼmuriy-hududiy birliklar chegaralarini belgilash, yer resurslarni xatlovdan oʻtkazish ishlari yakuniy natijalarini koʻrib chiqish boʻyicha “Kadastr agentligi davlat kadastrlari palatasi” tuman filial boshligʻi F.Oxunov va Pop tuman kambagʻallikni qisqartirish va bandlikka koʻmaklashish boʻlimi boshligʻi D.Nomozov hisoboti maʼlumot uchun qabul qilinsin.

3. Pop tuman hududidagi maʼmuriy-hududiy birliklar chegaralarini belgilash ishlarining dastlabki natijalariga koʻra umumiy perimetri 1881760.6 metrni, jami yer maydoni 303043.2 gektarni tashkil qilganligi maʼlumot uchun qabul qilinsin.

4. 77 ta mahalla fuqarolar yigʻinlarining chegaralarini belgilanganligi boʻyicha xarita ilovaga muvofiq tasdiqlansin.

5. Mazkur qarorning ijrosini taʼmanlash tuman hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari R.Onarboyev va Xalq deputatlari tuman Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi E.Oʼrmonovlar zimmasiga yuklatilsin.