Oʻzbekiston Respublikasi Prezidentining 2022-yil 12-iyuldagi “2022-2026-yillar davomida amalga oshirilishi moʻljallangan “Xavfsiz va ravon yoʻl” umummilliy dasturini tasdiqlash toʻgʻrisida”gi PQ-316-sonli, Oʻzbekiston Respublikasi Vazirlar Mahkamasining 2024-yil 14-noyabrdagi “Hududlarda jamoat transporti infratuzilmasini rivojlantirishga doir qoʻshimcha chora-tadbirlar toʻgʻrisida”gi 757-sonli qarorlari, viloyat hokimining 2024-yil 28-dekabrdagi Jizzax shahar hududida oʻtkazilgan sayyor yigʻilishi bayoni bilan belgilab berilgan vazifalar ijrosini taʼminlash hamda Jizzax viloyati Transport boshqarmasining 2025-yil 18-martdagi 01-187-sonli xatini inobatga olib, “Mahalliy davlat hokimiyati toʻgʻrisida” gi Qonuniga asosan qaror qilaman:

1. Oʻzbekiston Respublikasi Prezidentining 2022-yil 12-iyuldagi “2022-2026-yillar davomida amalga oshirilishi moʻljallangan “Xavfsiz va ravon yoʻl” umummilliy dasturini tasdiqlash toʻgʻrisida”gi PQ-316-sonli, Oʻzbekiston Respublikasi Vazirlar Mahkamasining 2024-yil 14-noyabrdagi “Hududlarda jamoat transporti infratuzilmasini rivojlantirishga doir qoʻshimcha chora-tadbirlar toʻgʻrisida”gi 757-sonli qarorlari, viloyat hokimining 2024-yil 28-dekabrdagi Jizzax shahar hududida oʻtkazilgan sayyor yigʻilishi bayoni hamda Jizzax viloyati Transport boshqarmasining 2025-yil 18-martdagi 01-187-sonli xati maʼlumot va ijro uchun qabul qilinsin.

2. Jizzax shahar transport bosh rejasiga asosan Jizzax shahrida yangi tartibdagi brutto-shartnomasi asosida faoliyati yoʻlga qoʻyilishi rejalashtirilgan 14 ta yangi yoʻnalishlar tarmogʻidagi avtobuslar uchun toʻxtash joylari (bekatlar) boʻyicha Jizzax viloyati trasnport boshqarmasining Jizzax shahar hokimligiga bergan maʼlumoti inobatga olinsin.

3. Ushbu maʼlumotlar boʻyicha shahar IIB YHXB (B.Abdullayev) bir oy muddatda yangi yoʻnalishlardagi barcha toʻxtash joylari (bekat bor yoki yoʻqligidan qatʼiy nazar) “Avtobus bekati” yoʻl belgilarining toʻliq oʻrnatilishini hamda bekat mavjud boʻlmagan toʻxtash joyi qilib belgilangan hududdagi yoʻlning oʻziga avtobus toʻxtash joyi ekanligini bildiruvchi (AVTOBUS TOʻXTASH JOYI - BUS STOP; AVTOBUS BEKATI - BUS STATION) chizmalarini chizdirish ishlarini tashkil etsin.

4. Jizzax shahar hokimining oʻrinbosari (X.Onalboyev) va shahar Qurilish va uy-joy kommunal xoʻjaligi boʻlimi boshligʻi (V.Mirzayev)larga xatlov natijalari boʻyicha avtobus bekatlari yoki toʻxtash joyi qilib koʻrsatilgan hududlarda hamda avtobus bekatlari boʻlmagan hududlarda yengil konstruksiyaga ega bekatlarni qurish va mavjudlarini qayta taʼmirlash boʻyicha vakolatli organlarga taklif loyihalarini kiritish vazifasi yuklatilsin.

5. Jizzax shahar hokimligi devonxona mudiri (A.Boymirzayev) bir kun muddatda mazkur qarorning masʼullarga va tegishli mutasaddi tashkilotlarga yetkazilishini taʼminlasin.

6. Mazkur qaror ijrosini nazoratini oʻz zimmamda qoldiraman.