Oʼzbekiston Respublikasi Prezidentining “Oʻzbek tilining davlat tili sifatida nufuzi va mavqeini tubdan oshirish chora-tadbirlari toʼgʼrisida”gi 2019-yil 21-oktabrdagi PF-5850-son farmoni, Oʼzbekiston Respublikasi Vazirlar Maxkamasining “Mamalakatda davlat tilida ish yuritishni samarali tashkil qilish chora-tadbirlari toʼgʼrisida”gi 2020-yil 20-yanvardai 34-son qarori, Oʼzbekiston Respublikasi Iqtisodiyot va moliya vazirligi huzuridagi Kadastr agentligining 2025-yil 6-oktabrdagi 05-19-17297-sonli “Geografik obʼyektlarga nom berish va ularni qayta nomlash toʼgʼrisidagi takliflarini davlat ekspertizasidan oʼtkazish boʼyicha ekspert komissiyasining ekspert xulosasi” ijrosini taminlash maqsadida tuman komissiyasi bergan xulosasiga asosan tumandagi “Shoʻrariq” mahallasi nomini “Yangi Namangan” mahallasi nomiga oʻzgartirish toʼgʼrisidagi taklifini koʼrib chiqib, Oʼzbekiston Respublikasi “Mahalliy davlat hokimiyati toʼgʼrisida”gi Qonunning 6-moddasiga asosan Xalq deputatlari Norin tumani Kengashi qaror qiladi:

1. Oʼzbekiston Respublikasi Iqtisodiyot va moliya vazirligi huzuridagi Kadastr agentligining 2025-yil 6-oktabrdagi 05-19-17297-sonli “Geografik obʼyektlarga nom berish va ularni qayta nomlash toʼgʼrisidagi takliflarini davlat ekspertizasidan oʼtkazish boʼyicha ekspert komissiyasining yigʼilish bayoni” maʼlumot uchun qabul qilinsin.

2. Tumandagi oʻzgarayotgan mahalla nomi ilovaga muvofiq tasdiqlansin.

3. Tuman statistika boʼlimi (Z. Imomov), tuman kadastr agentligi, tuman qurulish boʼlimi boshligʼi (M.Tursunov) boshqa tegishli mutasaddi davlat organlari bilan birgalikda nomlari ilovada koʼrsatilgan geografik obʼyektni belgilangan tartibda davlar roʼyxatidan oʼtkazish va elektron bazani shakllantirish, ish yuritish xujjatlariga oʼzgartirishlar kiritish bilan bogʼliq barcha tadbirlarni amalga oshirsinlar.

4. Ushbu qaror rasmiy eʼlon qilingan kundan eʼtiboran kuchga kiradi.

5. Mazkur qarorning bajarilishini nazorat qilish xalq deputatlari tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʼyicha doimiy komissiyasi raisi (Sh.Irgashev) zimmasiga yuklansin.