Oʻzbekiston Respublikasining “Davlat mulkini boshqarish toʻgʻrisida”gi, 2022-yil 29-martdagi OʻRQ-760-son “Korporativ boshqaruv tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi va 2025-yil 7-fevraldagi OʻRQ-1025-son “Korporativ munosabatlarning huquqiy asoslari yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi qonunlari hamda Oʻzbekiston Respublikasi Vazirlar Mahkamasining 2003-yil 19-apreldagi 189-son “Xususiylashtirilgan korxonalarni korporativ boshqarishni takomillashtirish chora-tadbirlari toʻgʻrisida”gi va 2019-yil 15-maydagi 404-son “Oʻzbekiston Respublikasi Davlat aktivlarini boshqarish agentligi faoliyatini tashkil etish boʻyicha chora-tadbirlar toʻgʻrisida”gi qarorlariga muvofiq, Oʻzbekiston Respublikasi Iqtisodiyot va moliya vazirligi va Davlat aktivlarini boshqarish agentligi qaror qiladi:

1. Oʻzbekiston Respublikasi Moliya vazirligi va Oʻzbekiston Respublikasi Davlat mulkini boshqarish davlat qoʻmitasining 2011-yil 11-avgustdagi 51, 01/12-18/05-son “Davlat ulushlarini ishonchli boshqarish va aksiyadorlik jamiyatlarini boshqarishda ishtirok etish maxsus huquqi (“oltin aksiya”) boʻyicha davlat vakillarining xizmat haqi toʻlovlarini amalga oshirish tartibi toʻgʻrisidagi nizomni tasdiqlash haqida”gi qaroriga (roʻyxat raqami 2263, 2011-yil 9-sentabr) (Oʻzbekiston Respublikasi qonun hujjatlari toʻplami, 2011-y., 37-son, 384-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Qarorda:

1) nomi quyidagi tahrirda bayon etilsin:

2) 1-band quyidagi tahrirda bayon etilsin:

“1. Davlat ulushlarini ishonchli boshqarish boʻyicha ishonchli boshqaruvchilarning xizmat haqi toʻlovlarini amalga oshirish tartibi toʻgʻrisidagi nizom ilovaga muvofiq tasdiqlansin.”.

2. Nizomda:

1) nomi quyidagi tahrirda bayon etilsin:

2) muqaddima quyidagi tahrirda bayon etilsin:

“Mazkur Nizom davlat ulushlarini ishonchli boshqarish boʻyicha ishonchli boshqaruvchilarning xizmat haqi toʻlovlarini amalga oshirish tartibini belgilaydi.”;

3) 1-band quyidagi tahrirda bayon etilsin:

“1. Mazkur Nizom davlat ulushi ishonchli boshqaruvga berilgan (Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq investitsiya aktivlarini ishonchli boshqaruvchilarga berilgan hollar bundan mustasno) aksiyadorlik jamiyatlari va masʼuliyati cheklangan jamiyatlarga (bundan buyon matnda xoʻjalik jamiyatlari deb yuritiladi) tatbiq etiladi.”;

4) 2-bandda:

ikkinchi xatboshi chiqarib tashlansin;

uchinchi — beshinchi xatboshilar tegishli ravishda ikkinchi — toʻrtinchi xatboshilar deb hisoblansin;

ikkinchi xatboshi quyidagi tahrirda bayon etilsin:

“davlat ulushi — xoʻjalik jamiyatlarining ustav fondlaridagi (ustav kapitallaridagi) davlat organlariga, mahalliy ijro etuvchi hokimiyat organlariga, davlat muassasalariga, shu jumladan Oʻzbekiston Respublikasi Markaziy bankiga hamda Oʻzbekiston Respublikasi Tiklanish va taraqqiyot jamgʻarmasiga tegishli boʻlgan aksiyalar yoki ulushlar;”;

5) 2-bobning nomi quyidagi tahrirda bayon etilsin:

6) 3-band quyidagi tahrirda bayon etilsin:

“3. Ishonchli boshqaruvchilarga xizmat haqini toʻlash uchun mablagʻlar manbai, agar davlat ulushini ishonchli boshqarish shartnomasida oʻzgacha tartib nazarda tutilmagan boʻlsa, hisobot yilidagi davlat ulushi boʻyicha davlat budjetiga tushgan dividendlar hisobidan shakllanadi. Bunda, hisobot yilining toʻrtinchi choragi uchun xizmat haqi hisobot yilidan keyingi yilning birinchi choragida davlat budjetida ushbu maqsadlar uchun nazarda tutilgan mablagʻlar doirasida, hisobot yilida davlat budjetiga dividendlar tushumidan kelib chiqqan holda amalga oshiriladi.

Ishonchli boshqaruvchilarga xizmat haqini toʻlash uchun moʻljallangan, hisobot yilida davlat budjetiga tushgan davlat ulushi boʻyicha dividendlar yetarli boʻlmaganda yoki ular tushmagan (hisoblanmagan) taqdirda, xizmat haqini toʻlash uchun Davlat aktivlarini boshqarish, transformatsiya va xususiylashtirish jamgʻarmasi umumiy mablagʻlaridan foydalaniladi.”;

7) 4-band va 4-bob oʻz kuchini yoʻqotgan deb topilsin;

8) 5-band quyidagi tahrirda bayon etilsin:

“5. Oʻzbekiston Respublikasi Davlat aktivlarini boshqarish agentligi (bundan buyon matnda Davlat aktivlari agentligi deb yuritiladi) tomonidan har yili davlat ulushlarini boshqarish xarajatlari smetasining loyihasi shartnomalar, davlat ulushlarini ishonchli boshqaruvga bosqichma-bosqich berish grafigi hamda ishonchli boshqaruvchilarning choraklik hisobotlari asosida choraklarga boʻlgan holda ishlab chiqiladi.”;

9) 6-band quyidagi tahrirda bayon etilsin:

“6. Davlat aktivlari agentligi ishonchli boshqaruvchilarga xizmat haqi toʻlovlari smetasi boʻyicha hisob-kitoblarni 1-iyuldan kechiktirmay kelgusi yil davlat budjeti loyihasiga kiritish uchun Iqtisodiyot va moliya vazirligiga belgilangan tartibda taqdim etadi.”;

10) 7-band quyidagi tahrirda bayon etilsin:

“7. Ishonchli boshqaruvchilar davlat ulushini ishonchli boshqarish shartnomasida belgilangan shakl va muddatlarda davlat ulushlarini boshqarish faoliyatlari toʻgʻrisidagi hisobotlarni Davlat aktivlari agentligiga topshiradi.”;

11) 8-bandda:

birinchi xatboshi quyidagi tahrirda bayon etilsin:

“8. Topshirilgan hisobotlar tahlili asosida Davlat aktivlari agentligi ishonchli boshqaruvchilar xizmat haqi toʻlovlari boʻyicha smetani toʻlash manbalarini koʻrsatgan holda tayyorlaydi va hisobot davridan keyingi ikkinchi oyning 20-sanasigacha Iqtisodiyot va moliya vazirligiga taqdim etadi.”;

ikkinchi xatboshidagi “Markazga” va “Moliya vazirligiga” degan soʻzlar tegishli ravishda “Davlat aktivlari agentligiga” va “Iqtisodiyot va moliya vazirligiga” degan soʻzlar bilan almashtirilsin;

uchinchi xatboshidagi “ishonchli boshqaruvchilar va davlat vakillarining” degan soʻzlar “ishonchli boshqaruvchilarning” degan soʻzlar bilan almashtirilsin;

toʻrtinchi xatboshidagi “ishonchli boshqaruvchilar va davlat vakillarining” hamda “Markaz va Moliya vazirligi” degan soʻzlar tegishli ravishda “ishonchli boshqaruvchilarning” va “Davlat aktivlari agentligi hamda Iqtisodiyot va moliya vazirligi” degan soʻzlar bilan almashtirilsin;

beshinchi xatboshidagi “Markaz” degan soʻz “Davlat aktivlari agentligi” degan soʻzlar bilan almashtirilsin;

12) 9-bandda:

birinchi xatboshi quyidagi tahrirda bayon etilsin:

“9. Taqdim etilgan smeta asosida Iqtisodiyot va moliya vazirligi 10 ish kuni ichida ishonchli boshqaruvchilarning xizmat haqlarini toʻlash uchun smetaga kiritilgan xoʻjalik jamiyatlaridan davlat ulushi boʻyicha tushgan dividendlar hisobidan Davlat aktivlarini boshqarish, transformatsiya va xususiylashtirish jamgʻarmasiga mablagʻlarni oʻtkazadi.”;

ikkinchi xatboshi chiqarib tashlansin;

uchinchi — oʻn ikkinchi xatboshilar tegishli ravishda ikkinchi — oʻn birinchi xatboshilar deb hisoblansin;

ikkinchi xatboshidagi “Markaz” degan soʻz “Davlat aktivlari agentligi” degan soʻzlar bilan almashtirilsin;

uchinchi va toʻrtinchi xatboshilar quyidagi tahrirda bayon etilsin:

“Iqtisodiyot va moliya vazirligi tomonidan davlat ulushlari boʻyicha budjetga toʻlangan dividendlarning qismi hisobidan Davlat aktivlarini boshqarish, transformatsiya va xususiylashtirish jamgʻarmasiga tegishli mablagʻlar kelib tushgan paytdan eʼtiboran 10 bank ish kuni ichida;

Davlat aktivlarini boshqarish, transformatsiya va xususiylashtirish jamgʻarmasi umumiy mablagʻlari hisobidan 10 bank ish kuni ichida, agar:”;

oʻninchi xatboshidan “hamda qoʻshimcha masʼuliyatli” degan soʻzlar chiqarib tashlansin;

oʻn birinchi xatboshi chiqarib tashlansin;

13) 10-band quyidagi tahrirda bayon etilsin:

“10. Xizmat haqi toʻlovlari Davlat aktivlarini boshqarish, transformatsiya va xususiylashtirish jamgʻarmasiga oʻtkazilgandan keyin Davlat aktivlari agentligi bu haqda, shuningdek, shaxsiy hisobvaraqlari yoki hisob-kitob varaqlari toʻgʻrisidagi maʼlumotni taqdim etish haqida (toʻlov birinchi marta amalga oshirilayotgan boʻlsa) ishonchli boshqaruvchilarni davlat ulushini ishonchli boshqarish shartnomasida belgilangan shakl va muddatlarda xabardor qiladi.

Ishonchli boshqaruvchilarning xizmat haqi toʻlovlarini toʻlash Davlat aktivlari agentligi tomonidan ularning bankdagi shaxsiy hisobvaraqlari yoki hisob-kitob varaqlariga tegishli mablagʻlarni oʻtkazib berish yoʻli bilan amalga oshiriladi.”;

14) 11-bandda:

birinchi va ikkinchi xatboshilar quyidagi tahrirda bayon etilsin:

“11. Xizmat haqini toʻlash uchun nazarda tutilgan va ishonchli boshqaruvchilar tomonidan talab qilinmagan hamda Davlat aktivlari agentligiga tegishli hujjatlarni taqdim etmagani sababli ularning shaxsiy hisobvaraqlari yoki hisob-kitob varaqlariga oʻtkazilmagan pul mablagʻlari Davlat aktivlarini boshqarish, transformatsiya va xususiylashtirish jamgʻarmasida qoldiriladi.

Bunda, xizmat haqi toʻlovlarini toʻlash uchun davlat budjetidan yuborilgan mablagʻlar Davlat aktivlarini boshqarish, transformatsiya va xususiylashtirish jamgʻarmasida 90 kundan ortiq turib qolgan taqdirda, ushbu mablagʻlar toʻlaligicha davlat budjetiga qaytarilishi lozim.”;

uchinchi xatboshidan “va davlatning vakillari” degan soʻzlar chiqarib tashlansin;

15) 13-bandning birinchi va ikkinchi xatboshilari hamda 14-bandning birinchi va ikkinchi xatboshilaridagi “eng kam ish haqining” degan soʻzlar “mehnatga haq toʻlashning eng kam miqdorining” degan soʻzlar bilan almashtirilsin;

16) 1-ilova belgisi quyidagi tahrirda bayon etilsin:

17) 2-ilova belgisi quyidagi tahrirda bayon etilsin: