Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash maqsadida Olot tumani “Suv yetkazib berish xizmati” davlat muassasasining 2025-yil 22-sentabrdagi 157-sonli xatini inobatga qilib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6- va 24-moddalariga asoslanib, xalq deputatlari Olot tumani Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori maʼlumot va ijro uchun qabul qilinsin.

2. Olot tumani “Suv yetkazib berish xizmati” davlat muassasasi direktori Sh.Sharipovning Olot tumani boʻyicha 2025-yil 1-oktabrdan 2026-yil 31-martga qadar novegetatsiya davrida sugʻorish ishlari uchun ajratiladigan suv limitlari toʻgʻrisidagi taklifi maʼqullansin va quyidagi ilovalarga muvofiq tasdiqlansin:

- Olot tumanida 2025-2026-yillarda kuzgi-qishki mavsumida suv manbalaridan olinadigan cheklangan suv miqdori (limit) 1-ilovaga muvofiq;

- Olot tumanida 2025-2026-yillarda kuzgi-qishki mavsumida iqtisodiyot tarmoqlarida ajratilgan cheklangan suv miqdori (limit) 2-ilovaga muvofiq;

- Olot tumani "Suv yetkazib berish xizmati" davlat muassasasi tomonidan suv isteʼmolchilariga 2025-2026-yillarning novegetatsiya davrida sugʻorish ishlari uchun ajratilgan suv limitlari toʻgʻrisidagi (oktabr-mart) maʼlumot 3-ilovaga muvofiq.

3. Olot tumani hokimining qishloq va suv xoʻjaligi masalalari boʻyicha oʻrinbosari E.Toshev, tuman “Suv yetkazib berish xizmati” davlat muassasasi (Sh.Sharipov)ga:

- Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori asosida ishlarni tashkil etish;

- belgilangan limitlar asosida isteʼmolchilarga suv yetkazib berish;

- oʻziga biriktirilgan hududda suvning hisobi va hisobotini yuritish;

- sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

- suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

- isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

- suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatish;

- fermer va dehqon xoʻjaliklari hamda tadbirkorlik subʼektlariga suvni tejovchi texnologiyalarining ustunlik taraflari va tartiblari boʻyicha tushuntirish ishlarini olib borish;

- amalga oshirilgan ishlar yuzasidan xalq deputatlari tuman Kengashiga hisobotlarni oʻz vaqtida berib borish vazifalari yuklatilsin.

4. Ushbu qarorning ijrosini nazorat qilish xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi zimmasiga yuklatilsin.