Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash maqsadida, Oʻzbekiston Respublikasi “Mahalliy davlat hokimiyati toʻgʻrisida”gi qonunning 6 va 24-moddalariga muvofiq xalq deputatlari Kattaqoʻrgʻon tumani Kengashi yettinchi chaqiriq oʻn beshinchi sessiyasi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligi oshirish chora-tadbirlari toʻgʻrisida”gi PQ-5-sonli qarori 7-bandi ijrosini taʼminlash maqsadida hamda tuman “Suv yetkazib berish xizmati” davlat muassasasining 2025-yil 26-sentyabrdagi 01/1303-sonli xatiga asosan tuman boʻyicha suv isteʼmolchilari kesimida Kattaqoʻrgʻon tumani boʻyicha:

2025-yil oktyabr, noyabr va dekabr oylari uchun novegetatsiya mavsumida sugʻorish ishlari uchun ajratilgan suv limiti 1-ilovaga;

2026-yil yanvar, fevral va mart oylari uchun novegetatsiya mavsumida sugʻorish ishlari uchun ajratilgan suv limiti 2-ilovaga muvofiq tasdiqlansin.

2. Mazkur qarorning loyihasi normativ-huquqiy hujjatlar loyihalari muhokamasi portalida (https://regulation.gov.uz/oz/d/109531) muhokamada turganligi hamda Kattaqoʻrgʻon tuman adliya boʻlimi tomonidan normativ-huquqiy hujjat loyihasini huquqiy ekspertizadan oʻtkazish yuzasidan tuman adliya boʻlimining 2025-yil 25-oktyabrdagi 8-sonli huquqiy xulosasida ijobiy baholanganligi maʼlumot uchun qabul qilinsin.

3.Tuman “Suv yetkazib berish xizmati” davlat muassasasi direktori A.Ibragimovga:

Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori asosida ishlarni tashkil etish;

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatish;

amalga oshirilgan ishlar yuzasidan xalq deputatlari tuman Kengashiga hisobotlarni oʻz vaqtida berib borish vazifalari yuklatilsin.

4. Mazkur qarorning ijrosini nazorat qilish xalq deputatlari tuman Kengashining Аgrar, suv xoʻjaligi va ekologiya masalalari boʻyicha doimiy komissiyasi (M. Xolova) hamda tuman hokimining qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi B. Sulaymonov zimmasiga yuklatilsin.