Оʻzbekiston Respublikasi Prezidentining 2024-yil 5-yanvardagi “Quyi bоʻgʻinda suv resurslarini boshqarish tizimini shakllantirish hamda suv resurslaridan foydalanish samaradorligini oshirish tоʻgʻrisida”gi PQ 5-son, Оʻzbekiston Respublikasi Vazirlar Mahkamasining 2013-yil 19-martdagi 82-son qarorlari ijrosini taʼminlash maqsadida Kitob tumani Suv yetkazib berish xizmati davlat muassasasi boshligʻi Y.Isroilovning 2025-yil 23-sentabrdagi 2025-yil 1-oktabrdan 2026-yil 31-martga qadar novegetatsiya davrida sugʻorish ishlari uchun ajratilgan suv limiti bоʻyicha takliflarini inobatga olib, Оʻzbekiston Respublikasi “Mahalliy davlat hokimiyati tоʻgʻrisida”gi Qonunining 6 va 24-moddalariga asosan xalq deputatlari tuman Kengashi qaror qiladi:

1. Tuman Suv yetkazib berish xizmati davlat muassasasi boshligʻi Y. Isroilovning 2025-yil 23-sentabrdagi 2025-yil 1-oktabrdan 2026-yil 31-martga qadar novegetatsiya davrida sugʻorish ishlari uchun ajratilgan suv limiti bоʻyicha takliflari 1-ilovaga muvofiq tasdiqlansin.

2. Tuman Suv yetkazib berish xizmati davlat muassasasi (Y. Isroilov)ga:

Оʻzbekiston Respublikasi Prezidentining 2024-yil 5-yanvardagi “Quyi bоʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari tоʻgʻrisida” gi PQ-5-son qarori asosida ishlarni tashkil etish;

belgilangan limitlar asosida isteʼmolchilarga suv yetkazib berish;

оʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi agrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olishjoylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi tоʻgʻrisidagi maʼlumotlarni оʻz vaqtida taqdim etib borish;

suv isteʼmolchilarining buyurtmasi asosida boshqa suv xоʻjaligi xizmatlarini kоʻrsatish;

amalga oshirilgan ishlar yuzasidan xalq deputatlari tuman Kengashiga har chorak yakuni bilan hisobotlarni taqdim etish vazifalari topshirilsin.

3. Ushbu qarorning ijrosini nazorat qilish xalq deputatlari tuman Kengashining Agrar, suv xоʻjaligi va ekologiya bоʻyicha doimiy komissiyasi (A. Omonov) hamda tuman hokimining qishloq va suv xоʻjaligi masalalari bоʻyicha оʻrinbosari H.Malikov zimmalariga yuklatilsin.