Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijrosini taʼminlash maqsadida hamda Oʻzbekiston Respublikasi Vazirlar Mahkamasining 2013-yil 19-martdagi 82-son qarori bilan tasdiqlangan Nizomga asosan “-MAROKAND SIFAT-” MChJ direktori F.Axmedovning 2025-yil 30-sentabrdagi 83-sonli xatini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi qonunining 6- va 24-moddalariga muvofiq, xalq deputatlari Narpay tumani Kengashining navbatdagi yettinchi chaqiriq, oʻn toʻrtinchi sessiyasi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijro uchun qabul qilinsin.

2. Narpay tumani “-MAROKAND SIFAT-” MChJ direktori F.Axmedovning Narpay tumani boʻyicha 2025-2026-yillar kuzgi-qishki mavsumda suv manbalaridan olinadigan cheklangan suv miqdori (limit) toʻgʻrisidagi taklifi 1-4-ilovaga muvofiq tasdiqlansin.

3. “-MAROKAND SIFAT-” MChJ direktori F.Axmedovga:

Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori asosida ishlarni tashkil etish;

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suvmonitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

amalga oshirilgan ishlar yuzasidan xalq deputatlari tuman Kengashiga hisobotni oʻz vaqtida berib borish vazifalari yuklatilsin.

4. Ushbu qarorning ijrosini nazorat qilish xalq deputatlari Narpay tuman Kengashining Agrar, qurilish, kommunal sohalar, ekologiya, sanoat va transport masalalari suv xoʻjaligi masalalari va ekologiya boʻyicha doimiy komissiyasi (N.Tangriyev)ga, ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari (U.Babadjanov) zimmalariga yuklatilsin.