Oʻzbekiston Respublikasi Byudjet kodeksining 126-moddasi (Davlat byudjeti, davlat maqsadli jamgʻarmalari va Oʻzbekiston Respublikasi tiklanish va taraqqiyot jamgʻarmasining qoʻshimcha manbalaridan foydalanish)ga muvofiq, xalq deputatlari mahalliy Kengashlariga mahalliy byudjetlarni boshqarishda erkinliklar berilib, soliqlar va yigʻimlar boʻyicha stavkalarini belgilash, mahalliy byudjeti xarajatlarini hududiy byudjet mablagʻlari taqsimlovchilar kesimida tasdiqlash va ularning Kengash oldidagi hisobdorligini belgilash boʻyicha vakolatlari kengaytirilgan.

Byudjet kodeksining 126-moddasiga asosan Quva tumani mahalliy byudjetining 2025-yil ikkinchi chorak yakuni boʻyicha daromadlarni rejasini ortiqcha bajarilgan qismini taqsimlash maqsadida Oʻzbekiston Respublikasining “Mahalliy davlat hokimiyati toʻgʻrisida” gi Qonunining 6- va 24-moddalariga asosan xalq deputatlari Quva tumani Kengashi qaror qiladi:

1. Oʻzbekiston Respublikasi Byudjet kodeksining 119 — 126-moddasi, “2025-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1011-son Qonuniga muvofiq tuman hokimining birinchi oʻrinbosari-iqtisodiyot va moliya boʻlimi boshligʻi J.Zakirovning tuman mahalliy byudjetining 2025-yil ikkinchi chorak yakuni boʻyicha daromadlarini ortiqcha bajarilgan qismini taqsimlanishi toʻgʻrisida hisoboti maʼlumot uchun qabul qilinsin.

Tuman mahalliy byudjetining 2025-yil ikkinchi chorak daromadlar rejasini ortiqcha bajarilgan qismi hisobidagi mablagʻlari 803686 ming soʻm miqdorida ekanligi, bunga qoʻshimcha, Davlat aktivlarini sotishdan mahalliy byudjetlarga yer uchastkalariga boʻlgan huquqlarni sotishdan tushgan pul mablagʻlaridan 228331 ming soʻm shakllanganligi maʼlumot uchun qabul qilinsin.

2. Byudjet kodeksiga asosan 2025-yilda tuman byudjetining 2025-yil ikkinchi chorak yakuni boʻyicha daromadlar rejasining ortiqcha bajarilgan qismi hisobidan quyidagi xarajatlar uchun yoʻnaltirilsin:

2.1. Oʻzbekiston Respublikasi Prezidentining 2021-yil 13-apreldagi “Byudjet jarayonida fuqarolarning faol ishtirokini taʼminlash boʻyicha qoʻshimcha chora-tadbirlar toʻgʻrisida”gi PQ-5072-son Qarori ijrosini taʼminlash (30 foiz) uchun aholi tomonidan eng koʻp maʼqullangan tadbirlarga 2025-yil ikkinchi chorak yakuni boʻyicha daromadlarni ortiqcha bajarilgan qismi hisobidan 241106.0 ming soʻm, yer uchastkalariga boʻlgan huquqlarni sotishdan tushgan pul mablagʻlar hisobdan 68 500 ming soʻm;

2.2. Yuqoridagi ajratilgan mablagʻlardan iqtisod qilingan yoki foydalanilmagan mablagʻlar tumanda amalga oshirilgan xarajatlardan boʻlgan qarzdorliklarga, favqulodda vaziyatlarda va shunga oʻxshash kechiktirib boʻlmaydigan choralar koʻrilishi talab etiladigan xarajatlar uchun xarajatlarga yoʻnaltirish koʻzda tutilsin.

3. Tuman hokimining birinchi oʻrinbosari (J.Zakirov), tuman Iqtisodiyot va moliya boʻlimi oʻrinbosari (A.Soliyev)lar byudjet mablagʻlari taqsimlovchilarning byudjet mablagʻlaridan samarali foydalanilishi ustidan qatʼiy nazoratni oʻrnatish hamda erishilgan natijalar boʻyicha hisobotlarini Kengashga kiritilishini taʼminlasin.

4. Mazkur qarorini bajarilishini nazorat qilish tuman hokimining birinchi oʻrinbosari (J.Zakirov) hamda xalq deputatlari Quva tuman Kengashining “Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha” doimiy komissiyasi (A.Dadajonov) zimmasiga yuklansin.

5. Mazkur qaror qabul qilingan kundan boshlab kuchga kiritiladi.