Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini ochish chora tadbirlari” toʻgʻrisidagi PQ-5-son qaroriga hamda suv xoʻjaligi vazirligining 2024-yil 15-martdagi 72-son buyrugʻiga asosan Sharof Rashidov tuman “Suv yetkazib berish xizmati” DM tomonidan xar yili 1-apreliga qadar novegitatsiya davri uchun va 1-oktabriga qadar kuz-qish yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqadi va tasdiqlash uchun xalq deputatlar tuman Kengashiga kiritilishi belgilangan.

Shuningdek Sharof Rashidov tumani Suv yetkazib berish xizmati DM boʻlimi tomonidan 2025-2026-yil novegetatsiya davrida jami 106,1 mln.m³ limit ajratilgan boʻlib, shundan DM kanalidan 10,5 mln.m³, Zarafshon daryosidan 66,6 mln.m³, Jizzax suv omboridan 29,1 mln.m³ cheklangan suv limitlari ajratilib hududlar boʻyicha tasdiqlangan limit doirasida ishlab chiqilgan.

“Mahalliy davlat hokimiyati tоʻgʻrisidagi Оʻzbekiston Respublikasi Qonunining 6- va 24-moddalariga muvofiq xalq deputatlari tuman Kengashi qaror qiladi:

1. Оʻzbekiston Respublikasi Prezidentining 2024-yil 5-yanvardagi “Quyi bоʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari tоʻgʻrisida”gi PQ-5-son qarori rahbarlik va ijro uchun qabul qilinsin.

2. Sharof Rashidov tuman “Suv yetkazib berish xizmati” Davlat muassasasining 2025-yil 19-sentabrdagi 249-sonli xati va tuman “Suv yetkazib berish xizmati” Davlat muassasasi boshligʻi O.Begimqulovning hisoboti maʼlumot uchun qabul qilinsin.

3. Sharof Rashidov tumanining 2025-2026-yil novegetasiya mavsumida suv limitlari quyidagicha:

- 2025-2026-yil kuz-qish mavsumiga ajratilgan suv limiti 1-ilovaga muvofiq;

- DM kanalidan 2025-2026-yil novegetatsiya davrida sugʻorish ishlari uchun ajratilgan suv limiti 2-ilovaga muvofiq;

- Zarafshon daryosidan 2025-2026-yil novegetatsiya davrida sugʻorish ishlari uchun ajratilgan suv limiti 3-ilovaga muvofiq;

- Jizzax suv omboridan 2025-2026-yil novegetatsiya davrida sugʻorish ishlari uchun ajratilgan suv limiti 4-ilovaga muvofiq;

- 2025-2026-yil kuzgi-qishki mavsumiga xalq xoʻjalik tarmoqlariga ajratilgan suv limiti 5-ilovaga muvofiq;

- tumandagi Nasos stansiyalari va energetika boshqarmasi tasarrufidagi nasos stansiyalaridan suv chiqarib berish uchun 2025-2026-yil nosugʻorish mavsumida cheklangan suvdan foydalanish limiti 6-ilovaga muvofiq tasdiqlansin.

4. Sharof Rashidov tumanida 1-aprelga qadar novegetatsiya davri uchun va 1-oktabrga qadar kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar bоʻyicha tasdiqlangan rejasini bajarilishi tuman “Suv yetkazib berish xizmati” Davlat muassasasi boshligʻi O.Begimqulov zimmasiga yuklatilsin.

5. Mazkur qaror ijrosini taʼminlash tuman hokimining qishloq va suv xоʻjaligi masalalari bоʻyicha оʻrinbosari Sh.Azimov zimmasiga, qaror ijrosini nazorat qilish xalq deputatlari tuman Kengashining Agrar, suv xоʻjaligi va ekologiya masalalari bоʻyicha doimiy komissiyasi zimmasiga yuklatilsin.