Oʻzbekiston Respublikasi Vazirlar Mahkamasining 2011-yil 26-dekabrdagi “Oʻzbekiston Respublikasi hududidagi avtomobil yoʻllarida xavfsizlikni taʼminlash va tashkil etish chora-tadbirlari toʻgʻrisida”gi 342-sonli qarori hamda tuman Yoʻllardan foydalanish davlat muassasasining 2025-yil 26-sentabr kungi 260-sonli murojaat xatini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 21¹-moddalariga asosan qaror qilaman:

1. Amudaryo tuman Yoʻllardan foydalanish davlat muassasasining 2025-yil 26-sentabrdagi 260-sonli xatida nazarda tutilgan D217a) “Jumurtov koni orqali Amudaryoga” avtomobil yoʻlida taʼmirlash ishlari olib borilishi munosabati bilan umumiy ogʻirligi 3,5 tonnadan ortiq boʻlgan avtotransport vositalari harakatlanishni vaqtinchalik cheklash taklifiga rozilik bildirilsin va ijro uchun qabul qilinsin.

2. Avtomobil yoʻlida taʼmirlash ishlarining olib borilishi munosabati bilan Amudaryo tuman hududidan oʻtgan D217a) “Jumurtov koni orqali Amudaryoga” (9 km) avtomobil yoʻlida 2025-yilning 26-sentabr kunidan boshlab maxsus yoʻl belgilari oʻrnatilgan holda, umumiy ogʻirligi 3,5 tonnadan ortiq boʻlgan avtomobillar harakatlanishi vaqtincha toʻxtatilsin.

3. Tuman YHXB boshligʻi (B.Qozoqov) hamda tuman Yoʻllardan foydalanish davlat muassasasi rahbari (v.v.b U.Tlubayev) avtomobil yoʻlida umumiy ogʻirligi 3,5 tonnadan ogʻir boʻlgan transport qatnovining vaqtincha cheklanishi munosabati bilan maxsus yoʻl belgilarini oʻrnatish, belgilangan tartibda avtotransport vositalarining ushbu belgilar talablariga rioya qilishini taʼminlash va nazorat qilish hamda yoʻl qismlarida harakat xavfsizligini taʼminlash boʻyicha zarur choralarni koʻrsin.

4. Tuman hokimligi axborot xizmati rahbari, matbuot kotibi (Ch. Arslonova) va tuman televideniyesi (Gʻ. Eshniyazov)ga D 217a “Jumurtov koni orqali Amudaryoga” avtomobil yoʻlida taʼmirlash ishlari olib borilishi munosabati bilan harakatlanishni vaqtinchalik cheklash toʻgʻrisidagi axborotni tuman hokimligi rasmiy veb-sayti va tuman televideniyesi orqali keng yoritib borish tavsiya etilsin.

5. Mazkur qaror rasmiy eʼlon qilingan kundan eʼtiboran kuchga kiradi.

6. Ushbu qarorning bajarilishini nazorat qilishni oʻz zimmamda qoldiraman.