Oʻzbekiston Respublikasining2020-yil 23-sentabrdagi “Taʼlim toʻgʻrisida”gi 637-sonli 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-sonli (Oʻzbekiston Respublikasi qonun hujjatlari toʻplami, 2017- yil, 11-son, 167-modda) bilan tasdiqlangan “Umumiy oʻrta taʼlim toʻgʻrisida”gi Nizomning 39-bandi va Oʻzbekiston Respublikasi Prezidentining 2024-yil 2-fevral kunidagi 7-sonli bayoni 14-bandi ijrosini taʼminlash hamda tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida, “Taʼlim toʻgʻrisida”gi Qonunining 27-moddasi hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6-, 25 moddalariga asosan, qaror qilaman:

1.Yakkabogʻ tumanida maktab yoshidagi bolalarni umumiy oʻrta taʼlimgatoʻliq qamrab olish boʻyicha umumtaʼlim muassasalariga biriktirilgan hududlar (mikrohudud) roʻyxati ilovaga asosan tasdiqlansin.

2.Tuman hokimi oʻrinbosari (F.Xidirov), tuman maktabgacha va maktab taʼlimi boʻlimi (J.Eshquvatov), tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

3.Tumandagi umumtaʼlim muassasalar rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblansin.

4.Mazkur qaror “Yakkabog` ovozi” gazetasida rasmiy eʼlon qilinsin va hokimlikning rasmiy veb-saytiga joylashtirilsin

5.Mazkur qaror rasmiy eʼlon qilingan kundan eʼtiboran kuchga kiradi.

6.Tuman hokimining 2024-yil 6-iyundagi № 201-4-68-Q/24-sonli qarori oʻz kuchini yuqotgan deb hisoblansin.

7.Ushbu qarorning bajarilishini nazorat qilish tuman hokimi oʻrinbosari F.Xidirov zimmasiga yuklatilsin