O`zbekiston Respublikasi Prezidentining 2024-yil 5-yanvar kungi “Quyi bo`g`inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to`g`risida”gi PQ-5-sonli qarorining ijrosini taʼminlash maqsadida O`zbekiston Respublikasining “Mahalliy Davlat hokimiyati to`g`risida”gi Qonunining 6- va 24-moddalariga asosan xalq deputatlari Jalaquduq tumani Kengashi qaror qiladi:

1. O`zbekiston Respublikasi Prezidentining 2024-yil 5-yanvardagi “Quyi bo`g`inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to`g`risida”gi PQ-5-sonli qarori ijro uchun hamda tuman “Suv yetkazib berish xizmati” Davlat muassasasi direktori M.Ro`zimatovning hisoboti ma`lumot uchun qabul qilinsin.

2. Jalaquduq tumani “Suv yetkazib berish xizmati” Davlat muassasasi direktori M.Ro`zimatovning Jalaquduq tumani bo`yicha 2025-2026-yil kuz-qish “novegetatsiya” davrida sug`orish ishlari uchun ajratilgan suv limiti to`g`risidagi taklifi ma`qullansin.

3. Quyidagilar:

- Jalaquduq tumanida 2024-2025-yillarning kuzgi-qishki mavsumida suv manbalaridan olinadigan cheklangan suv miqdori 1- ilovaga;

- Jalaquduq tumanida 2024-2025-yillarning kuzgi-qishki mavsumida iqtisodiyot tarmoqlariga ajratilgan cheklangan suv miqdori 2-ilovaga;

- Jalaquduq tuman SEBX DMni manbalari bo`yicha 2025-2026-yillar kuzgi-qishki sug`orish davridagi ajratilgan suv limiti 3-ilovaga;

- Jalaquduq tuman SEBX DM xududidagi Andijonsoy soyidan 2025-2026-yillar kuzgi -qishki sug`orish davridagi ajratilgan suv limiti 4-ilovaga;

- Jalaquduq tuman SEBX DM xududidagi Sharxonsoy soyidan 2025-2026-yillar kuzgi -qishki sug`orish davridagi ajratilgan suv limiti 5-ilovaga;

- Jalaquduq tuman SEBX DM xududidagi Savay kanalidan 2025-2026-yillar kuzgi -qishki sug`orish davridagi ajratilgan suv limiti 6-ilovaga;

- Jalaquduq tuman SEBX DM xududidagi Oqbo`rasoydan 2025-2026-yillar kuzgi -qishki sug`orish davridagi ajratilgan suv limiti 7-ilovaga;

- Jalaquduq tuman SEBX DM xududidagi Yuqori Ulug`nor kanalidan 2025-2026 yillar kuzgi -qishki sug`orish davridagi ajratilgan suv limiti 8-ilovaga;

- Jalaquduq tuman SEBX DM xududidagi Buloqlardan kanalidan 2025-2026-yillar kuzgi -qishki sug`orish davridagi ajratilgan suv limiti 9-ilovaga;

-Jalaquduq tumanida faoliyat yuritib kelayotgan suv isteʼmolchilarining 2025-2026- yilning kuzgi-qishki davri uchun suv limit rejasi 10-ilovaga muvofiq tasdiqlansin.

4. Norin-Qoradaryo irrigatsiya tizimlari havza boshqarmasi huzuridagi Jalaquduq tuman “Suv yetkazib berish xizmati” davlat muassasasi direktori (M.Ro`zimatov) ga:

- tumanga suv yetkazib berish bo`yicha ishlab chiqilgan limitlarni O`zbekiston Respublikasi Prezidentining 2024-yil 5-yanvar kungi “Quyi bo`g`inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to`g`risida”gi PQ-5-sonli qaror talablariga qatʼiy rioya qilish;

- qaror mazmun mohiyatini massivlar hamda ular tarkibidagi fermer hamda dehqon xo`jaliklari, MCHJ, korxona va tashkilotlarga yetkazish;

- ilovalarda ko`rsatilgan limitlarni o`z vaqtida va sifatli holatda yetkazib berish;

- o`ziga biriktirilgan hududda suvning hisobi va hisobotini yuritish;

- sug`orish tarmoqlari va ulardagi gidrotexnik inshootlarni soz holatda saqlash, ta`mirlash-tiklash tadbirlarini amalga oshirish;

- suv olish joylarini suvni boshqarish va hisobga olish vositalari bilan jihozlash, suv monitoringi hisobi va hisoboti yuritilishini raqamlashtirish;

- iste`molchilar kesimida isteʼmol qilingan suv hajmi to`g`risidagi ma`lumotlarni soliq organlariga taqdim etib borish;

- suv iste`molchilarining buyurtmanomasi asosida boshqa suv xo`jaligi xizmatlarini ko`rsatish vazifalari yuklatilsin.

5. Amalga oshirilgan ishlar yakuni to`g`risida xalq deputatlari tuman Kengashiga axborot kiritish tavsiya etilsin.

6. Ushbu qaror ijrosini ta`minlash хalq deputatlari tuman Kengashining "Agrar, suv xo`jaligi va ekologiya masalalari bo`yicha" doimiy komissiyasi (Q.Ko`ziyev) zimmasiga yuklatilsin.