Oʻzbekiston Respublikasi Byudjet kodeksiga asosan 2025-yilda Nurobod tuman mahalliy byudjetining ijrosini sifatli yakunlash va bu borada hududiy byudjet mablagʻlarini taqsimlovchilarining kreditorlik qarzlari vujudga kelishini oldini olish shuningdek, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6- va 24-moddalariga asosan xalq deputatlari Nurobod tumani Kengashining yettinchi chaqiriq, oʻn toʻrtinchi sessiyasi qaror qiladi:

1. Tuman mahalliy byudjeti xarajatlarini 2025-yilda maqbullashtirish natijasida shakllangan mablagʻlarni ilovaga asosan hududiy byudjet mablagʻlarini taqsimlovchilariga ish haqi, yagona ijtimoiy soliq va komunal toʻlovlari uchun yoʻnaltirilsin.

2. Nurobod tuman mahalliy byudjeti xarajatlarini 2025-yilda maqbullashtirish natijasida shakllangan mablagʻlarni hududiy byudjet mablagʻlarini taqsimlovchilariga ish haqi, yagona ijtimoiy soliq va kommunal toʻlovlar uchun yoʻnaltirish ilovaga muvofiq tasdiqlansin.

3. Tuman Iqtisodiyot va moliya boʻlimi (Gʻ.Musurmanov) tuman mahalliy byudjetining 2025-yilgi xarajatlar rejalariga tegishli oʻzgartirish kiritsin.

4. Mazkur qaror bajarilishini nazorat qilish xalq deputatlari tuman Kengashining mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (S.Suyarov) va tuman hokimining birinchi oʻrinbosari (R.Ibragimov) zimmalariga yuklatilsin.