Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining 7-bandi a kichik bandi 1,2-qismlariga muvofiq, Oʻzbekiston Respublikasi Suv xoʻjaligi vazirining 2025-yil 4-sentabrdagi “2025-2026-yillarining kuz-qish davri uchun suv olish limitlarini tasdiqlsh hamda mavsum davomida irrigatsiya-melioratsiya obeyktlarida amalga oshiriladigan chora tadbirlar toʻgʻrisida” gi 147-sonli buyrugʻini, Qoraqalpogʻiston Respublikasi Suv xoʻjaligi vazirining 2025-yil 17-sentabrdagi “2025-2026-yillarning kuz-qish davri uchun suv olish limitlarini qayta tasdiqlsh toʻgʻrisida”gi 185-son buyurugʻini, tuman “Suv yetkazib berish xizmati” davlat muassasasining Beruniy tumanida 2025-2026-yillarning kuz-qish davri uchun suv olish limitlarini hududlar boʻyicha tasdiqlangan limitlar doirasida tasdiqlashni soʻragan xati va suv limitlari toʻgʻrisidagi maʻlumotlarini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6 va 24-moddalariga asosan Xalq deputatlari Beruniy tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli Qarori ijro uchun rahbarlikka olinsin.

2. Beruniy tumani “Suv yetkazib berish xizmati” davlat muassasasining tumanda 2025-2026-yillarning kuz-qish davri uchun yakuniy istemolchilar kesimida suv olish limitlarini hududlar boʻyicha tasdiqlangan limitlar doirasida tasdiqlashni soʻragan xati va suv limitlari toʻgʻrisidagi maʻlumotlari maʼlumot uchun qabul qilinsin.

3. Tumanda 2025-2026-yillarning kuz-qish davri uchun hududlar boʻyicha tasdiqlangan suv olish limitlari 1-ilovaga, kuzgi-qishgi davri uchun isteʼmolchilar kesimida suv olish limitlari 2-ilovaga muvofiq tasdiqlansin.

4. Tuman hokimining qishloq va suv xoʻjaligi masalalari boʻyicha oʻrinbosari M.Yuldashev, Qishloq xoʻjaligi boʻlimi R.Abduraimov, tuman “Suv yetkazib berish xizmati” davlat muassasasi direktori J.Yeshanovlarga:

- belgilangan limitlar asosida isteʼmolchilarga suv yetkazib berish;

- oʻziga biriktirilgan hududda suvning hisobi va hisobotini yuritish;

- sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

- suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

- isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish choralarini koʻrsin.

5. Mazkur qaror tuman Xalq minbari gazetasida va boshqa ommaviy axborot vositalarida eʼlon qilinsin hamda hokimlikning rasmiy veb-saytiga joylashtirilsin.

6. Mazkur qaror ijrosini nazorat qilish Xalq deputatlari tuman Kengashining “Agrar, suv xoʻjaligi va ekologiya masalalari boʻyicha” doimiy komissiyasi zimmasiga yuklansin.

7. Ushbu qaror qabul qilingan kundan kuchga kiradi.