Oʻzbekiston Respublikasi Prezidentining 1992-yil 28-maydagi “Oʻzbekiston Qizil Yarim oy jamiyati toʻgʻrisida”gi PF-411-son va 2018-yil 4-maydagi “Mamlakatni demokratik yangilash jarayonida fuqarolik jamiyati institutlari rolini tubdan oshirish chora-tadbirlari toʻgʻrisida”gi PF-5430-son farmonlari hamda Oʻzbekiston Respublikasi Vazirlar Mahkamasining 1992-yil 5-oktyabrdagi “Oʻzbekiston Qizil Yarim oy jamiyati toʻgʻrisida”gi 458-son hamda Qashqadaryo viloyati hokimining 2025-yil 14-oktyabrdagi 480-4-0-Q/25 qarori ijrosini taʼminlash maqsadida “Mahalliy davlat hokimiyati toʻgʻrisida”gi Qonunining 6-, 21¹-moddalariga asosan qaror qilaman:

1. Qashqadaryo viloyati hokimining 2025-yil 14-oktyabrdagi 480-4-0-Q/25 qarori raxbarlik, maʼlumot va ijro uchun qabul qilinsin

2. 2025-yil 21-30-noyabr kunlari Oʻzbekiston Qizil Yarim oy jamiyati tuman tashkilotining insonparvarlik faoliyatini qoʻllab-quvvatlash xayriya oʻn kunligi oʻtkazilsin.

3. Oʻzbekiston Qizil Yarim oy jamiyatining tuman tashkilotining insonparvarlik faoliyatini qoʻllab-quvvatlash xayriya oʻn kunligini oʻtkazish boʻyicha tashkiliy qoʻmita tarkibi 1-ilovaga muvofiq tasdiqlansin.

4. Tumandagi barcha, tashkilot, idora va korxonalarga xayriya oʻn kunligida faol ishtirok etishlari tavsiya etilsin.

5. Tuman barcha xoʻjalik yurituvchi subyektlar, tashkilot korxona va muassasalar rahbarlariga xayriya oʻn kunligini uyushqoqlik bilan oʻtkazishda Oʻzbekiston Qizil Yarim oy jamiyatining tuman boʻlimlariga ixtiyoriy va begʻaraz yordam koʻrsatish tavsiya etilsin.

6. Tuman madaniyat bo`limining (N.Bomirov) xayriya oʻn kunligi davomida xayriya konsertlari, teatr tomoshalari, tuman sport bo`limi (A.Xaybarov) sport tadbirlaridan tushgan mablagʻlardan bir qismini Oʻzbekiston Qizil Yarim oy jamiyati tuman tashkilotining hisob raqamiga oʻtkazsin.

7. Milliy gvardiya Koson tuman bo`limi(J.Ergashev),tuman ichki ishlar bo`limi (B.Mirzayev)ga shaxsiy tarkib oʻrtasida Oʻzbekiston Qizil Yarim oy jamiyatining tuman tashkiloti hisobiga shaxsiy badal topshirish va mablagʻ toʻplash yuzasidan tushuntirish ishlarini tashkil etish tavsiya etilsin.

8. Xoʻjalik yurituvchi subyektlar, tashkilot, korxona va muassasalar rahbarlariga xayriya mablagʻlarini Oʻzbekiston Qizil Yarim oy jamiyati tuman tashkilotining Agrobank ATB Koson tuman filialidagi MFO 00162, IIN: 201614606, tashkilotning 20212000700384117001 hisob raqamiga oʻtkazish tavsiya etilsin.

9. Xayriya oʻn kunligi munosabati bilan toʻplangan mablagʻlar jamiyat ustaviga muvofiq yolgʻiz keksalar, nogironlar, boquvchisini yoʻqotgan va kam taʼminlangan oilalarni ijtimoiy himoyalashga, tabiiy va texnogen falokatlarda jabrlanganlarga gumanitar yordam hamda favqulodda vaziyatlarda birinchi yordam koʻrsatish uchun zaxira yaratish ishlari uchun sarflanishi belgilab qoʻyilsin.

10. Mazkur qarorning bajarilishini nazorat qilish tuman hokimining birinchi oʻribosari H.Nazarov zimmasiga yuklatilsin.