Oʻzbekiston Respublikasi Suv xoʻjaligi vazirligining 2025-yil 2-sentabrdagi 147-sonli buyrugʻi ijrosini taʼminlash maqsadida hamda Chapqirgʻoq Amudaryo irrigatsiya tizimlari havza boshqarmasi boshligʻining 2025-yil 29-sentabrdagi 01/06-1125-sonli xatini eʼtiborga olib “Mahalliy davlat hokimiyati organlari toʻgʻrisida”gi Oʻzbekiston Respublikasi qonunining 6- va 24-moddalariga muvofiq xalq deputatlari Tuproqqalʼa tumani Kengashi qaror qiladi:

1. Tuman “Suv yetkazib berish xizmati” davlat muassasasi direktori I.Ibragimovning suv manbalari, iqtisodiyot tarmoqlari hamda hududlari boʻyicha 2025-2026-yillarning kuz-qish (shoʻr yuvish) davrida suv manbalaridan olinadigan suv miqdorlari toʻgʻrisidagi maʼruzasi maʼlumot va ijro uchun qabul qilinsin.

2. Tuman “Suv yetkazib berish xizmati” davlat muassasasining suv manbalari, iqtisodiyot tarmoqlari hamda hududlari boʻyicha 2025-2026-yillarning kuz-qish (shoʻr yuvish) davrida suv manbalaridan olinadigan suv miqdori (limit) 1 va 2-ilovalarga muvofiq tasdiqlansin.

3. Tuman hokimining qishloq va suv xoʻjaligi masalalari boʻyicha oʻrinbosari (X.Jumaniyazov), tuman “Suv yetkazib berish xizmati” davlat muassasasi direktori (I.Ibragimov)ga:

besh kun muddatda suv manbalari, iqtisodiyot tarmoqlari va hududlar boʻyicha ishlab chiqilgan suv olish limitlarini barcha suv isteʼmolchilariga yetkazish;

suv isteʼmolchilari bilan ularga ajratilgan suv olish limitlari doirasida suvdan foydalanish yoki suv isteʼmoli toʻgʻrisidagi shartnomalarning tuzilishini hamda ularni belgilangan tartibda roʻyxatdan oʻtkazilishini taʼminlasin.

4. Tuman “Suv yetkazib berish xizmati” davlat muassasasi (I.Ibragimov), tuman qishloq xoʻjaligi boʻlimi boshligʻining oʻrinbosari (Z.Madraximov) bilan birgalikda suvdan maqsadli va samarali foydalanish boʻyicha oʻquv seminarlari va tushuntirish ishlari olib borish vazifasi yuklatilsin.

5. Mazkur qaror tuman hokimligining rasmiy veb-saytiga joylashtirilsin.

6. Ushbu qaror rasmiy eʼlon qilingan kundan boshlab kuchga kiradi.

7. Ushbu qarorning ijrosini nazorat qilish xalq deputatlari tuman Kengashining “Agrar, suv xoʻjaligi va ekologiya masalalari boʻyicha doimiy komissiyasi” raisi Z.Dovlatov zimmasiga yuklatilsin.