Oʻzbekiston Respublikasining “Maʼmuriy-hududiy tuzilishi toʻgʻrisida”gi Qonuni va Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklar chegaralarini belgilash tartibi toʻgʻrisida”gi Nizom ijrosi yuzasidan hamda tuman hokimining farmoyishiga asosan, Respublika aerogeodeziya markazi tomonidan Andijon viloyati Boʻston tumanidagi maʼmuriy-hududiy birliklar chegaralarini belgilash ishlarining yakuniga koʻra tumandagi shaharcha va qishloqlarning umumiy perimetri 208 185 metr umumiy maydoni 20 129,10 gektar ekanligi aniqlandi.

Jumladan:

1. Boʻz shaharchasi umumiy perimetri 17106 metr, umumiy maydoni 722,68 gektar;

2. Koʻhinur shaharchasi umumiy perimetri 9688 metr, umumiy maydoni 165,24 gektar;

3. Sariqjoʻga shaharchasi umumiy perimetri 8339 metr, umumiy maydoni 126,21 gektar;

4. Obod qishlogʻi umumiy perimetri 53810 metr, umumiy maydoni 6 006,61 gektar;

5. Xovos qishlogʻi umumiy perimetri 65737 metr, umumiy maydoni 7 656,15 gektar;

6. Yuksalish qishlogʻi umumiy perimetri 53505 metr, umumiy maydoni 5 452,21 gektar.

Boʻston tumani maʼmuriy-hududiy birliklar chegaralarini belgilashda shaharcha va qishloqlar chegaralari ajratib koʻrsatilgan holda tavsiflandi.

Chegaralar chizigʻining yozuvli matni tavsifida joyning tegishli topografik elementlari bilan bogʻlanib, chegara nuqtalari oʻrtasidagi masofasi va chegara chizigʻining qutb yoʻnalishlari aks ettirildi.

Chegara chizigʻining burilish nuqtalari koordinatalari koʻrsatildi.

Kun tartibidagi masala yuzasidan Davlat kadastrlari palatasi Boʻston tumani filiali rahbarining hisobotini tinglab, taqdim etilgan maʼlumotlar fikr va mulohazalarini hamda taklif va tavsiyalarini atroflicha oʻrganib chiqib, Oʻzbekiston Respublikasi “Maʼmuriy-hududiy tuzilishi toʻgʻrisida”gi Qonunning 10-moddasi hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6- va 24-moddalariga asosan, xalq deputatlari tuman Kengashi qaror qiladi:

1. Davlat kadastrlari palatasining Boʻston tumani filiali rahbari A.Rahmataliyevning Boʻston tumanidagi maʼmuriy-hududiy birliklar chegaralarini belgilash toʻgʻrisidagi hisoboti hamda Respublika aerogeodeziya markazi tomonidan Boʻston tumanidagi shaharcha va qishloqlarning chegaralarini belgilash boʻyicha bajarilgan ishlarning yakuniy natijalarini koʻrib chiqish yuzasidan tuman hokimligida tuzilgan ishchi guruh tarkibining 7-sonli yigʻilish bayoni maʼlumot uchun qabul qilinsin.

2. Boʻston tumanidagi maʼmuriy-hududiy birliklar chegaralarini belgilash ishlari yakuniy natijalari toʻgʻrisidagi maʼlumot 1-ilovaga hamda maʼmuriy-hududiy birliklarning chegaralarini belgilash boʻyicha kartografik chizmasi 2-ilovaga muvofiq tasdiqlansin.

3. Tuman hokimligi matbuot xizmati (M.Ochildinova) mazkur qarorni tuman hokimligining ijtimoyi tarmogʻida eʼlon qilinishi hamda rasmiy veb-saytiga joylashtirilishini taʼminlash tavsiya etilsin.

4. Mazkur qarorning tasdigʻi xalq deputatlari Andijon viloyati Kengashidan soʻralsin.

5. Ushbu qaror ijrosini taʼminlash tuman hokimining birinchi oʻrinbosari M.Gaziyevga, nazorati xalq deputatlari tuman Kengashining tegishli doimiy komissiyasi hamda kotibiyat mudiri J.Raxmonov zimmalariga yuklatilsin.

6. Mazkur qaror qabul qilingan kundan kuchga kiradi.