Oʻzbekiston Respublikasi Vazirlar Mahkamasining 2014-yil 4-martdagi “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi nizomni tasdiqlash haqida”gi 48-sonli qarori bilan tasdiqlangan Nizomga asosan hamda Oʻzbekiston Mahallalari uyushmasi viloyat boshqaramasining 2025-yil 3-iyuldagi 01/161-sonli xati va viloyat hokimligi huzuridagi mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining 2025-yil 2-iyuldagi 3-sonli bayoni va xulosasini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga asosan xalq deputatlari viloyat Kengashi qaror qiladi:

1. Viloyat hokimligi huzuridagi mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining 2025-yil 2-iyuldagi 3-sonli bayoni va xulosasi maʼlumot uchun qabul qilinsin.

2. Yakkabogʻ tumani “Aygʻirkoʻl” mahalla fuqarolar yigʻini hududining bir qismida yangidan mahalla fuqarolar yigʻini tuzilishiga rozilik berilsin.

3. Viloyat hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi N.Egamov, Yakkabogʻ tumani hokimligi (A.Gʻiyosov), “Kadastr agentligi davlat kadastrlari palatasi” Qashqadaryo viloyati boshqarmasi (Gʻ.Hamrayev) hamda tegishli davlat organlariga yangidan tuzilayotgan mahalla fuqarolar yigʻinining chegaralarini belgilash, unga nom berish, davlat roʻyxatidan oʻtkazish, elektron bazasini shakllantirish, ish yuritish hujjatlariga oʻzgartirishlar kiritish bilan bogʻliq barcha tadbirlarni amalga oshirish topshirilsin.

4. Viloyat iIchki ishlar boshqarmasi (A.Ismoilov) yangidan tuzilayotgan mahalla fuqarolar yigʻini hududida yashovchi aholining fuqarolik pasportlariga, mazkur hudud aks ettirilgan yoʻl belgilariga tegishli oʻzgartirishlar kiritish ishlarini amalga oshirsin.

5. Mazkur qaror rasmiy eʼlon qilingan kundan boshlab kuchga kiradi.

6. Ushbu qaror ijrosini nazorat qilish xalq deputatlari viloyat Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi O.Ravshanov, Korrupsiyaga qarshi kurashish va xavfsizlik masalalari boʻyicha doimiy komissiyasi raisi I.Xalilov zimmasiga yuklansin.