Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 25-moddalariga, “Normativ-huquqiy hujjatlar toʻgʻrisida”gi Qonunning 4-, 16-moddalariga, Oʻzbekiston Respublikasining 2024-yil 19-yanvardagi “Yoʻl harakati toʻgʻrisida”gi 900-sonli Qonunining 6-moddasiga, Oʻzbekiston Respublikasi Vazirlar Mahkamasining 2022- yil 12-apreldagi 172-sonli qaroriga asosan, tuman hududida yoʻl harakati xavfsizligini taʼminlash maqsadida, tuman ichki ishlar boʻlimining 2025-yil 17-sentabr kungi 55/34-8-1238-son hamda 55/34-8-1239-son aloqa xatlarini koʻrib chiqib, qaror qilaman:

1. Quva tuman ichki ishlar boʻlimining 2025-yil 17-sentabr kungi 55/34-8-1238-son hamda 55/34-8-1239-son aloqa xatlari maʼlumot uchun qabul qilinsin.

2. Quva tumani markazida joylashgan koʻchalarda fuqarolar va transport vositalarini harakati xavfsizligini taʼminlash, yoʻl transporti hodisalarini oldini olish hamda aholiga qulaylik yaratish maqsadida oʻrnatilishi lozim boʻlgan yoʻl belgilari va manzili 1-ilovaga asosan tasdiqlansin hamda mazkur yoʻl belgilarini oʻrnatishga ruxsat berilsin.

3. Quva tumani Ichki ishlar boʻlimi (F.Usarov), tuman ichki ishlar boʻlimi Yoʻl harakati xavfsizligi boʻlinmasi (F.Xamrayev) va tuman yoʻllardan foydalanish unitar korxonasi direktori (R.Xaydarov)lar hamkorlikda Quva tumani markazida joylashgan koʻchalarda fuqarolar va transport vositalarini harakati xavfsizligini taʼminlash, yoʻl transporti hodisalarini oldini olish hamda aholiga qulaylik yaratish maqsadida yoʻl belgilarini oʻrnatish va doimiy nazorat qilish vazifasi yuklatilsin.

4. Tuman hokimligining axborot xizmati (R.Oʻrinboyev) ushbu qarorni tuman hokimligining rasmiy veb saytiga hamda boshqa OAVlarda keng yoritishi tavsiy etilsin.

5. Ushbu qaror rasman eʼlon qilingan kundan eʼtiboran kuchga kiradi.

6. Mazkur qarorning ijrosini nazorat qilish tuman hokimining oʻrinbosari M.Akbarov zimmasiga yuklatilsin.