Qarshi tuman mahalliy budjetining 2025-yil moliya yili mobaynidagi xarajatlariga oʻzgartirishlar kiritish toʻgʻrisida tuman iqtisodiyot va moliya boʻlimi boshligʻining birinchi oʻrinbosari Sh.Sattorovning 2025-yil 18-sentyabrdagi 01-20-224-10-32/84-sonli xatini inobatga olib, Oʻzbekiston Respublikasi Budjet Kodeksining 27-moddasi va Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24-moddalariga asosan xalq deputatlari Qarshi tuman Kengashi qaror qiladi:

1. Qarshi tuman mahalliy budjetining 2025-yil moliya yili mobaynidagi xarajatlariga oʻzgartirishlar kiritish toʻgʻrisida tuman iqtisodiyot va moliya boʻlimi boshligʻining birinchi oʻrinbosari Sh.Sattorovning 2025-yil 18-sentyabrdagi 01-20-224-10-32/84-sonli xati maʼlumot uchun qabul qilinsin.

2. Tuman mahalliy budjetining 2025-yil moliya yili mobaynidagi xarajatlariga oʻzgartirishlar kiritish ilovalarga muvofiq maʼqullansin.

3. Tuman iqtisodiyot va moliya boʻlimi boshligʻining birinchi oʻrinbosari (Sh.Sattorov)ga;

Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni va Oʻzbekiston Respublikasi Budjet Kodeksi talablariga asosan tuman mahalliy budjetining 2025-yil moliya yili mobaynidagi xarajatlariga belgilangan tartibda mazkur qarorning ilovasiga muvofiq koʻzda tutilgan oʻzgartirishlarni kiritish vazifasi yuklatilsin.

4. Mazkur qaror ijrosini nazorat qilish xalq deputatlari Qarshi tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya raisi X.Qurbonova va tuman hokimining birinchi oʻrinbosari X.Turdiyevlar zimmasiga yuklatilsin.