Oʻzbekiston Respublikasining 2022-yil 22-iyuldagi “Ichimlik suvi taʼminoti va oqova suvlarni chiqarib yuborish toʻgʻrisida”gi OʻRQ-784-sonli Qonuni, “Navoiyuran” davlat korxonasi (keyingi oʻrinlarda – Korxona deb yuritiladi)ning 2025-yil 27-iyundagi 04-02/01/3265-sonli, 3-iyuldagi 04-02/01/3383-sonli xatlari, viloyat iqtisodiyot va moliya bosh boshqarmasi boshligʻining oʻrinbosari Gʻ. Boboqulovning 2025-yil 19-iyundagi “Navoiyuran” DKning ichimlik suvini ishlab chiqarish va yetkazib berish xizmati narx(tarif) hisob-kitoblari toʻgʻrisida”gi 01-12/20-17-32/501-sonli xulosasi hamda bildirilgan taklif, fikr va mulohazalarni inobatga olgan holda, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 16² va 24-moddalariga asosan, xalq deputatlari viloyat Kengashi, qaror qiladi:

1. “Navoiyuran” davlat korxonasi bosh direktorining iqtisod va moliya boʻyicha oʻrinbosari v.b A. Adizovning korxona tomonidan Konimex tumani Zafarobod qoʻrgʻonidagi ulgurji tashkilotlarga toza ichimlik suvini yetkazib berish xizmatlari koʻrsatilishi boʻyicha bergan hisoboti maʼlumot uchun qabul qilinsin.

2. Korxonaning Konimex tumani Zafarobod qoʻrgʻoni boʻyicha ulgurji tashkilotlarga ichimlik suvni ishlab chiqarish va yetkazib berish boʻyicha taklif narx (tarif)lari ilovaga muvofiq tasdiqlansin.

3. Viloyat hokimligi axborot xizmati (Sh. Raubayeva), viloyat teleradiokompaniyasi (A. Muqimov), “Doʻstlik bayrogʻi” va “Знамя дружбы” gazetalari tahririyati davlat korxonasi (B. Umarov)ga olib borilayotgan ishlarni doimiy ravishda ommaviy axborot vositalarida keng yoritib borish tavsiya etilsin.

4. Ushbu qaror rasmiy eʼlon qilingandan boshlab, 15 kundan soʻng kuchga kiradi.

5. Mazkur qarorning bajarilishini nazorat qilish viloyat hokimi oʻrinbosari (E. Kamolov) hamda xalq deputatlari viloyat Kengashining mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi (N. Isoqov) zimmasiga yuklatilsin.