Buxoro viloyati huzuridagi geografik obyektlarni nomlash va qayta nomlash masalalari boʻyicha komissiyasining 2025-yil 5-apreldagi 06/764-01-11-son murojaatnomasi va unda qayd etilgan Peshku tumanidagi jami 19 ta geografik obyekt (koʻcha, tor koʻcha, berk koʻcha)ni nomlash va qayta nomlash boʻyicha taklifi ekspert komissiyasi tomonidan oʻrganib chiqildi, Oʻzbekiston Respublikasining “Mahalliy davlat hokimyati toʻgʻrisida” qonuni 6-moddasi, “Geografik obyektlarning nomlari toʻgʻrisida”gi qonuni hamda Oʻzbekiston Respublikasi Vazirlar Mahkamasining 2012-yil 16-oktabrdagi 295-sonli “Geografik obyektlarning nomlari toʻgʻrisida”gi Oʻzbekiston Respublikasi qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi qaroriga asoslanib, xalq deputatlari Peshku tumani Kengashi qaror qiladi:

1. Buxoro viloyati huzuridagi geografik obyektlarni nomlash va qayta nomlash masalalari boʻyicha komissiyasining 2025-yil 5-apreldagi 06/764-01-11-son murojaatnomasi va geografik obyektlarga nom berish yoki ularni qayta nomlash toʻgʻrisidagi takliflarning qonun hujjatlari talablariga muvofiqligi haqida ekspert xulosasi maʼlumot uchun qabul qilinsin.

2. Peshku tumanidagi geografik obyekt (koʻcha, tor koʻcha, berk koʻcha)ni nomlari ilovaga muvofiq tasdiqlansin.

3. Mazkur qaror ijrosini nazorat qilish xalq deputatlari tuman Kengashining Sanoat, transport, qurilish, kommunal soha va aholiga xizmat koʻrsatish boʻyicha doimiy komissiyasi zimmasiga yuklatilsin.

4. Mazkur qaror qabul qilingan kundan eʼtiboran kuchga kiradi.