Oʻzbekiston Respublikasining 2024-yil 24-dekabrdagi “2025-yil uchun Oʻzbekiston Respublikasining Davlat budjeti toʻgʻrisida”gi OʻRQ-1011-son Qonuni, Oʻzbekiston Respublikasi Budjet Kodeksiga asosan tuman Iqtisodiyot va moliya boʻlimining 2025-yil 3-sentabrdagi 221-02-07/258-sonli xati hamda deputatlar tomonidan bildirilgan fikr va mulohazalardan kelib chiqib “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, xalq deputatlari Uzun tumani Kengashi qaror qiladi:

1. tuman Iqtisodiyot va moliya boʻlimining 2025-yil 3-sentabrdagi 221-02-07/258-sonli xati maʼlumot va asos uchun qabul qilinsin.

2. Xalq deputatlari Uzun tuman Kengashining 2025-yil 15-avgustdagi “2025-yilning II-choragi davomida Uzun tuman mahalliy budjeti daromadlar rejasining belgilangan prognoz koʻrsatkichlaridan orttirib bajarilgan qismi hisobidan mablagʻ ajratish toʻgʻrisida”gi VII-9-65-8-118-K/25-son qarorining 4-bandi 7-xatboshidagi Oʻzbekiston Respublikasi Milliy olimpiyada qoʻmitasi Surxondaryo viloyati hududiy boʻlinmasining 2025-yil 28 iyul kunidagi 37-sonli xatiga asosan “Olimpiyada va milliy sport turlarini rivojlantirish jamgʻarmasi” faoliyatini qoʻllab quvvatlash uchun 100.0 mln soʻm tuman hokimligiga, degan jumlasi,

Tumandagi 18 yoshdan yuqori yoshdagi fuqarolarni chet davlatlarda qonuniy ishga joylashishlari uchun chet tillarini hamda turli kasb-hunarlarga oʻqitish uchun kerakli jihoz va texnikalar xarid qilish uchun 100.0 mln soʻm tuman hokimligiga yoʻnaltirilsin deb oʻqilsin.

3. Qarorning qolgan qismi oʻzgarishsiz qoldirilsin.

4. Ushbu qarorning bajarilishini nazorat qilish tuman hokimining birinchi oʻrinbosari B.Xasanov hamda xalq deputatlari Uzun tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi A.Kamolov zimmasiga yuklatilsin.

5. Ushbu Qaror qabul qilingan kundan kuchga kiradi.