“Geografik obyektlarning nomlari toʻgʻrisida”gi Oʻzbekiston Respublikasi Qonuni va Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obʼektlarning nomlari toʻgʻrisida»gi Oʻzbekiston Respublikasi qonuniga muvofiq geografik obʼektlarning nomlari sohasidagi ishlarni tartibga solish chora-tadbirlari haqida”gi 295-sonli qarori ijrosini taʼminlash maqsadida Geografik obyektlarni nomlash va qayta nomlash masalalari boʻyicha Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 7-avgustdagi 05-19-133000-sonli yigʻilish bayonini xalq deputatlari tuman Kengashining doimiy komissiyalari qoʻshma yigʻilishida muhokamasida deputatlar tomonidan bildirilgan takliflarni eʼtiborga olib hamda “Mahalliy davlat hokimiyati toʻgʻrisida”gi Oʻzbekiston Respublikasi Qonuni 6, 24-moddalariga asosan xalq deputatlari Qiziriq tumani Kengashi qaror qiladi:

1. Geografik obyektlarni nomlash va qayta nomlash masalalari boʻyicha Geografik obyektlarga nom berish va ularni qayta nomlash to'g'risidagi takliflarni davlat ekspertizasidan o'tkazish bo'yicha Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 7-avgustdagi 05-19-133000-sonli yigʻilish bayoni maʼlumot uchun qabul qilinsin.

2. Tumanda nomlari oʻzgarayotgan hamda nom berilayotgan koʻchalarning roʻyxati ilovaga muvofiq tasdiqlansin.

3. Tuman statistika boʻlimi (F.Xoʻjanov), tuman qurilish boʻlimi (O.Usanov), Davlat kadastrlar palatasi Qiziriq tumani filiali (S.Rustamov) tuman hokimligi bilan birgalikda nomlari oʻzgartirilgan hamda tasdiqlangan mahalla, koʻchalarni davlat roʻyxatidan oʻtkazish va elektron bazani shakllantirish, ish yuritish hujjatlariga tegishli oʻzgartirishlar kiritish bilan bogʻliq barcha tadbirlarni amalga oshirsin.

4. Tuman ichki ishlar boʻlimi (N.Muhammadiyev) nomlari oʻzgargan hamda tasdiqlanayotgan mahallalar va koʻchalarda yashovchi aholining fuqarolik pasportlariga, mazkur hudud aks ettirilgan belgilariga tegishli oʻzgartirishlar kiritish ishlarini amalga oshirsin.

5. Tuman qurilish boʻlimi (O.Usanov) hududlarda nomlari oʻzgartirilgan geografik obyektlarga yangi nomlari yozilgan koʻrsatkich va belgilar, peshlavhalarni zamonaviy dizayn asosida bosqichma-bosqich oʻrnatilishini taʼminlasin.

6. Tuman hokimligi axborot xizmati (A.Boʻriyev), “Taraqqiyot” gazetasi (Ch.Alimov) ga mazkur qarorni ommaviy axborot vositalarilda rasman eʼlon qilinishi va tuman hokimligining rasmiy veb-saytiga joylashtirilishini taʼminlash tavsiya etilsin.

7. Ushbu qarorning ijrosini nazorat qilish xalq deputatlari tuman Kengashining Agrar, qurilish, kommunal sohalar, ekologiya, sanoat va transport masalalari boʻyicha doimiy komissiyasi (K.Mirzayev) zimmasiga yuklatilsin.

8. Mazkur qaror qabul qilingan kundan boshlab kuchga kiradi.