Oʻzbekiston Respublikasi Vazirlar Mahkamasining 2025-yil 27-fevraldagi 6-sonli (№03-03/1-4456) yigʻilish bayonini inobatga olib, Oʻzbekiston Respublikasi Byudjet kodeksining 27-, 119-, 126-moddalari, “Mahalliy davlat hokimiyati toʻgʻrisida”gi Qonunining 6-, 24-moddalariga asosan Xalq deputatlari Andijon tuman Kengashi qaror qiladi:

1. Oʻzbekiston Respublikasi Vazirlar Mahkamasining 2025-yil 27-fevraldagi 6-sonli (№03-03/1-4456) yigʻilish bayonida mahalliy byudjetdagi qonunchilik hujjatlariga muvofiq boʻlmagan hamda past samarali xarajatlarni maqbullashtirish hamda maqbullashtirilgan mablagʻlar hisobidan byudjet tashkilotlarining ish haqqi va ijtimoiy soliq toʻlovlarining yetishmagan qismiga hamda byudjet tashkilotlari xodimlarining homiladorlik va tugʻish nafaqasi toʻlovlariga, shuningdek, qolgan qismini Iqtisodiyot va moliya vazirligi bilan kelishilgan holda hal etilishi dolzarb boʻlgan tadbirlarga yoʻnaltirilishi belgilanganligi;

Andijon tuman mahalliy byudjeti xarajatlarining 2025-yil yanvar-iyul oylari ijrosi jarayonida Oʻzbekiston Respublikasi Byudjet kodeksining 120-moddasi 4-qismiga binoan 3 420,0 ming soʻm mablagʻlar maqbullashtirilganligi maʼlumot uchun qabul qilinsin.

2. Andijon tuman mahalliy byudjeti xarajatlarining maqbullashtirilgan mablagʻlari hisobidan 1 ilovaga muvofiq byudjet tashkilotlarining ish haqqi va ijtimoiy soliq toʻlovlarining yetishmagan qismini qoplash va 2 ilovaga muvofiq byudjet tashkilotlarining yuzaga kelgan qarzdorliklarini qoplash uchun uchun jami 3 267,0 (Uch milliard ikki yuz oltmish yetti million) soʻm miqdorida mablagʻlar ajratilsin.

3. Andijon tuman iqtisodiyot va moliya boʻlimi B.Abdulazizov va tuman gʻaznachilik xizmati boʻlimi B.Xamraev ajratilgan mablagʻlarni belgilangan tartibda yoʻnaltirilishini hamda moliyalashtirilishini taʼminlash vazifasi topshirilsin.

4. Hududiy byudjet taqsimlovchilari va byudjetdan mablagʻ oluvchilar mazkur qarorga asosan ajratilgan mablagʻlarni maqsadli va samarali ishlatilishini taʼminlasin.

5. Mazkur qaror ijrosini nazorat qilish xalq deputatlari Andijon tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari doimiy komissiyasi hamda tuman hokimining birinchi oʻrinbosari I.Muqimjonov zimmalariga yuklatilsin.