Oʻzbekiston Respublikasi Vazirlar Mahkamasining 2017-yil 15-martdagi “Umumiy oʻrta taʼlim toʻgʻrisidagi Nizomni tasdiqlash haqida”gi 140-sonli qarori bilan tasdiqlangan nizomning 5-bob, 39-bandida tuman (shahar) hokimining qarori asosida davlat umumtaʼlim muassasalariga mikrohudud biriktirish belgilangan. Bagʻdod tumani maktabgacha va maktab taʼlimi boʻlimining 2025-yil 28- maydagi Bagʻdod tumani maktabgacha va maktab taʼlimi boʻlimi tasarrufidagi 63-umumiy oʻrta taʼlim maktabi mikrohududlarini qayta koʻrib chiqish va 2025-2026 oʻquv yilida tashkil etilayotgan 63-umumiy oʻrta taʼlim maktabiga mikrohudud biriktirilish toʻgʻrisidagi 313-son soʻrov xati hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 21¹-moddalariga muvofiq qaror qilaman:

1. Fargʻona viloyati Bagʻdod tumani “Nurafshon” mahalla fuqarolar yigʻini Yangi hayot koʻchasida joylashgan Bagʻdod Pedagogika kolleji oʻrnida 63-umumiy oʻrta taʼlim maktabi tashkil etilganligi va bu mahalla fuqarolar yigʻini hududidagi maktab yoshidagi oʻquvchilar qoʻshni Qoʻshtegirmon-1 mahalla fuqarolar yigʻinidagi 40-umumiy oʻrta taʼlim maktabiga qatnab oʻqiyotganligini inobatga olib, Bagʻdod tumani Maktabgacha va maktab taʼlimi boʻlimining 2025-yil 28- maydagi Bagʻdod tumani maktabgacha va maktab ta'limi boʻlimi tasarrufidagi 63-umumiy oʻrta taʼlim maktabi mikrohududlarini qayta koʻrib chiqish va 2025-2026 oʻquv yilida tashkil etilayotgan 63-umumiy oʻrta taʼlim maktabiga mikrohudud biriktirilish toʻgʻrisidagi 313-son soʻrov xati maʼqullansin.

2. Tuman Maktabgacha va maktab taʼlimi boʻlimi tasarrufidagi har bir davlat umumtaʼlim muassasalariga mikrohudud biriktirish jadvali 1-ilovaga muvofiq tasdiqlansin.

3. Bagʻdod tumani hokimligining Axborot xizmati rahbari (O.Xatamov):

- mazkur qaror rasmiy eʼlon qilinishi va hokimlik veb-saytiga joylashtirilishini taʼminlansin.

4. Mazkur qaror rasmiy eʼlon qilingan kundan eʼtiboran kuchga kiradi.

5. Ushbu qaror ijrosini nazorat qilish tuman hokimining oʻrinbosari Q.Mirtazaqulov zimmasiga yuklatilsin.