Oʻzbekiston Respublikasi Prezidentining “Oʻzbek tilining davlat tili sifatida nufuzi va mavqeini tubdan oshirish chora-tadbirlari toʻgʻrisida”gi 2019-yil 21-oktabrdagi PF-5850-son farmoni, Oʻzbekiston Respublikasi Vazirlar Mahkamasining “Mamlakatda davlat tilida ish yuritishni samarali tashkil qilish chora-tadbirlari toʻgʻrisida”gi 2020-yil 20-yanvardagi 34-son qarori, Oʻzbekiston Respublikasi davlat soliq qoʻmitasi huzuridagi kadastr agentligining 2022-yil 20-oktabrdagi 08-09147-sonli “Geografik obektlarga nom berish va ularni qayta nomlash toʻgʻrisidagi takliflarini davlat ekspertizasidan oʻtkazish boʻyicha ekspert komissiyasining yigʻilish bayoni” ijrosini taʼminlash maqsadida tuman komissiyasi bergan xulosasiga asosan Uychi tumanidagi 1 ta istirohat bogʻi va 1 ta xotira hiyoboni, 2 ta ziyoratgoh hamda 4 ta qabriston obyektlari tasdiqlash toʻgʻrisidagi taklifini koʻrib chiqib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan Xalq deputatlari Uychi tuman Kengashi, qaror qiladi:

1. Oʻzbekiston Respublikasi Iqtisodiyot va moliya vazirligi huzuridagi kadastr agentligining 2025-yil apreldagi 05-19-6498-sonli ekspert xulosasi maʼlumot va ijro uchun qabul qilinsin.

2. Uychi tumanidagi 8 ta obektlar nomlari 1-ilovaga muvofiq tasdiqlansin.

3. Tuman statistika boʻlimi (Z.Rahmatov), kadastr agentligi (N.Boyqoʼziyev), tuman qurilish boʻlimi (B.Oʻrinov), obodonlashtirish boshqarmasi (A.Rahmatilla), boshqa tegishli mutasaddi davlat organlari bilan birgalikda nomlari ilovada koʻrsatilgan geografik obektlarni belgilangan tartibda davlat roʻyxatidan oʻtkazish va elektron bazani shakllantirish, ish yuritish hujjatlariga oʻzgartirishlar kiritish bilan bogʻliq barcha tadbirlarni amalga oshirsinlar.

4. Ushbu qaror rasmiy eʼlon qilingan kundan eʼtiboran kuchga kiradi.

5. Mazkur qaror ijrosini nazorati qilish tuman hokimining birinchi oʼrinbosari hamda xalq deputatlari tuman Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi raisi (A.Muydinov) zimmasiga yuklatilsin yuklatilsin.