Samarqand viloyati hokimining 2024-yil 26-noyabrdagi “Oʻzbekiston Respublikasi Vazirlar Mahkamasining 2024-yil 1-noyabrdagi “Zulfiya nomidagi Davlat mukofotiga talabgorlarni tanlash va ularning hujjatlarini taqdim etish tartibi toʻgʻrisidagi nizomni tasdiqlash haqida” 731-son qarori ijrosini taʼminlash haqida”gi 344-7-0-Q/24-son qarori ijrosini taʼminlash maqsadida, shuningdek, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 25-moddalariga asosan, qaror qilaman:

1. Samarqand viloyati hokimining 2024-yil 26-noyabrdagi “Oʻzbekiston Respublikasi Vazirlar Mahkamasining 2024-yil 1-noyabrdagi “Zulfiya nomidagi Davlat mukofotiga talabgorlarni tanlash va ularning hujjatlarini taqdim etish tartibi toʻgʻrisidagi nizomni tasdiqlash haqida” 731-son qarori ijrosini taʼminlash haqida”gi 344-7-0-Q/24-son qarori rahbarlik va ijro uchun qabul qilinsin.

2. Vazirlar Mahkamasining mazkur qarori bilan quyidagilarni nazarda tutuvchi Zulfiya nomidagi Davlat mukofotiga talabgorlarni tanlash va ularning hujjatlarini taqdim etish tartibi toʻgʻrisidagi nizom ilovaga muvofiq tasdiqlanganligi inobatga olinsin:

- talabgorlarga qoʻyiladigan talablar va ularning yutuqlari, ilmiy-ijodiy va amaliy ishlarini baholash mezonlari;

- talabgorlarni tanlash boʻyicha tuman (shahar), hududiy va respublika komissiyalari faoliyatini tashkil etish;

- talabgorlarning hujjatlarini taqdim etish va ularni rasmiylashtirish tartibi.

3. Zulfiya nomidagi Davlat mukofotiga talabgorlarni tanlash boʻyicha tuman komissiyasi 1-ilovaga muvofiq tasdiqlansin.

4. Tuman Oila va xotin-qizlar boʻlimi manfaatdor tashkilotlar bilan birgalikda:

- ushbu qarorning mazmun-mohiyati va ahamiyati toʻgʻrisida jamoatchilik oʻrtasida tushuntirish ishlarini amalga oshirsin;

- mazkur qaror talablari asosida ishlarni tashkil etsin hamda qabul qilingan huquqiy tusdagi hujjatlarini ushbu qarorga muvofiqlashtirsin.

5. Zulfiya nomidagi Davlat mukofotiga talabgorlarni tanlash boʻyicha tuman komissiyasi aʼzolari mazkur qaror talablari asosida ishni tashkil etsin.

6. Ushbu qaror ijrosini nazorat qilish tuman hokimi oʻrinbosari - Oila va xotin-qizlar boʻlimi boshligʻi N.Korayeva zimmasiga yuklatilsin.