Oʻzbekiston Respublikasining “Taʼlim toʻgʻrisida”gi qonunining 27-, 47- moddalari, Vazirlar Mahkamasining 2017 yil 15 martdagi 140-son qarori bilan tasdiqlangan “Umumiy oʻrta taʼlim toʻgʻrisida”gi nizomning 39-, 41-bandlari, Vazirlar Mahkamasining 2019-yil 7-iyundagi 469-son qarori bilan tasdiqlangan “Bolalarni davlat umumiy oʻrta taʼlim muassasalariga qabul qilish boʻyicha davlat xizmatlari koʻrsatishning” maʼmuriy reglamentining 3-, 4-, 8-bandlariga asosan, “Mahalliy davlat hokimiyati toʻgʻrisida”gi Qonunining 6-, 25-moddalariga muvofiq, qaror qilaman:

1. Tuman Adliya boʻlimining 2025-yil 1-avgust kunidagi 41/1-5/115-sonli taqdimnomasi, tuman Maktabgacha va maktab taʼlimi boʻlimining 2025-yil 17-iyuldagi 01-1427- sonli xati maʼlumot uchun qabul qilinsin.

2. Tumandagi umumiy oʻrta taʼlim maktablarini shaharcha, qishloq va mahalla fuqaro yigʻinlaridagi hudud va mikrohududlarga biriktirish haqidagi roʻyxati ilovaga muvofiq tasdiqlansin.

3. Tuman hokimining oʻrinbosari (Z.Abdanov)ga, Maktabgacha va maktab taʼlimi boʻlimi (S.Abdiyev)ga va tumandagi umumiy oʻrta taʼlim muassasalari rahbarlarining zimmalariga:

- maktab yoshidagi bolalarni umumiy oʻrta taʼlimga 7 yoshga toʻladigan yilda toʻliq qamrab olish;

· oʻquvchilarning darslarga qatnashish holati yuzasidan doimiy monitoring olib borish;

· monitoring natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

4. Belgilansinki, tumandagi umumiy oʻrta taʼlim muassasalar rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumiy oʻrta taʼlim muassasasiga oʻqishga jalb qilish uchun masʼul hisoblanadi.

5. Oʻzbekiston mahallalar uyushmasi Uzun tuman boʻlimiga hamda mahalla fuqarolar yigʻini raislariga:

· maktab yoshidagi bolalarni umumiy oʻrta taʼlim muassasalariga qamrab olish jarayonida tuman Maktabgacha va maktab taʼlimi boʻlimi hamda umumiy oʻrta taʼlim muassasalariga amaliy yordam berish tavsiya etilsin.

6. Uzun tuman hokimining 2025-yil 29-iyuldagi “Uzun tumani hokimining 2022-yil 30-iyundagi “Uzun tumanidagi davlat umumiy oʻrta taʼlim muassasalarining mikrohududlarini belgilash toʻgʻrisida”gi 278-8- 118-Q/22-sonli qarorining ilovasiga oʻzgartirish va qoʻshimchalar kiritish toʻgʻrisida”gi 170-8-118-Q/25-sonli qarori va Uzun tumani hokimining 2022-yil 30-iyundagi “Uzun tumanidagi davlat umumiy oʻrta taʼlim muassasalarining mikrohududlarini belgilash toʻgʻrisida”gi 278-8-118-Q/22-sonli qarorlari oʻz kuchini yuqotgan deb hisoblansin..

7. Mazkur qaror “Bobotogʻ tongi” gazetasida rasmiy eʼlon qilinsin hamda tuman hokimligining veb-saytiga joylashtirilsin.

8. Ushbu qaror rasmiy eʼlon qilingan kundan boshlab kuchga kiradi.

9. Ushbu qarorning bajarilishini nazorat qilish tuman hokimining oʻrinbosari Z.Abdanov va tuman Maktabgacha va maktab taʼlimi boʻlimi mudiri S.Abdiyev zimmalariga yuklatilsin.