Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga binoan va Oʻzbekiston Respublikasi “Budjet kodeksi”ning 148-moddasiga hamda Toyloq tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – iqtisodiyot va moliya boʻlimi boshligʻi A.Sharipovning 2025-yil 11-iyuldagi 01/01/984-sonli xatiga asosan, xalq deputatlari Toyloq tumani Kengashining yettinchi chaqiriq, oʻn toʻrtinchi sessiyasi, qaror qiladi:

1. Oʻzbekiston Respublikasi “Budjet kodeksi”ning 148-moddasiga asosan tuman mahalliy budjetining ijrosini sifatli yakunlash va bu borada budjet tashkilotlarida kreditor qarzdorliklar vujudga kelishini oldini olish maqsadida 2025-yil II chorak yakuni bilan tuman mahalliy budjetining ijrosi yuzasidan budjet tasnifining boʻlim, kichik boʻlim, boblari hamda choraklar boʻyicha daromadlar va xarajatlar miqdorining umumiy mutanosibligini saqlagan holda tuman mahalliy budjetlari oʻrtasida bir budjet mablagʻlari oluvchisi uchun budjet mablagʻlarining tegishli ravishda koʻpaytirilishi hamda rejadagi mablagʻlarni bir xarajat turidan ikkinchi xarajat turiga oʻtkazilishi yoʻli bilan tuman mahalliy budjetidan moliyalashtiriladigan budjet tashkilotlariga ilovaga muvofiq kiritilgan oʻzgartirishlar maʼlumot uchun qabul qilinsin.

2. Tuman iqtisodiyot va moliya boʻlimi (R.Qahorov) va tegishli budjet tashkilotlari rahbarlarining budjet mablagʻlaridan maqsadli foydalanishini qatʼiy nazorat qilish vazifalari yuklatilsin.

3. Mazkur qaror ijrosini nazorat qilish xalq deputatlari Toyloq tumani Kengashining Mahalliy budjet, tadbirkorlikni rivojlantirish va iqtisodiy islohatlar masalalari boʻyicha doimiy komissiyasi (F.Sidikov) hamda tuman hokimining birinchi oʻrinbosari (A.Sharipov) zimmasiga yuklatilsin.

4. Ushbu qaror qabul qilingan kundan eʼtiboran kuchga kiradi.