Oʻzbekiston Respublikasi Budjet kodeksining 148-moddasiga asosan tuman mahalliy budjeti parametrlariga oʻzgartirishlar kiritish hamda “Mahalliy davlat hokimiyati toʻgʻrisida”gi Oʻzbekiston Respublikasi qonunining 6, 24-moddalariga asosan xalq deputatlari tuman Kengashi qaror qiladi:

1. Tuman iqtisodiyot va moliya boʻlimi boshligʻi birinchi oʻrinbosari M.Ergashevning 2025-yil 1-yarim yillikda mahalliy budjetining parametrlariga daromad va xarajatlarga kiritilgan oʻzgartirishlar toʻgʻrisidagi hisoboti maʼlumot uchun qabul qilinsin.

2. Oʻzbekiston Respublikasi Prezidenti va Vazirlar Mahkamasi hujjatlariga asosan 2025-yil 1-yarim yillik ijrosi jarayonida daromadlari rejasi kiritiladigan oʻzgartirishlar 1-ilovaga, Peshku tumanidagi budjet tashkilotlarining birinchi darajali toʻlovlari hamda joriy xarajatlarini oʻz vaqtida amalga oshirish maqsadida tuman mahalliy budjeti xarajatlari rejasiga kiritilgan oʻzgartirishlar 2-ilovaga, Peshku tumani mahalliy budjetining 2025-yil 2-chorak daromadlar rejasining orttirib bajarilgan qismi hisobidan yoʻnaltiriladigan mablagʻlar 3-ilovaga muvofiq tasdiqlansin.

3. Tuman iqtisodiyot va moliya boʻlimi boshligʻi birinchi oʻrinbosari M.Ergashev 3- ilovaga muvofiq mablagʻlarni ajratilishni taʼminlasin.

4. Mazkur qarorning ijrosini nazorat qilish xalq deputatlari tuman Kengashining Mahalliy budjet, iqtisodiy islohotlarni amalga oshirish, investitsiyalar va tadbirkorlikni rivojlantirish masalalari boʻyicha doimiy komissiyasi (Z.Qosimov) zimmasiga yuklatilsin.