Oʻzbekiston Respublikasining “Geografik obʼektlarning nomlari toʻgʻrisida”gi hamda Geografik obʼektlarga nom berish va ularni qayta nomlash toʻgʻrisidagi takliflarni Davlat ekspertizasidan oʻtkazish boʻyicha Iqtisodiyot va moliya vazirligi huzuridagi Kadastr agentligi ekspert komissiyasining 2024 yil 16 may kungi 05-19-01-1587-sonli bayoni hamda ekspert xulosasini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari shahar Kengashi, qaror qiladi:

1. Geografik obʼektlarga nom berish va ularni qayta nomlash toʻgʻrisidagi takliflarni Davlat ekspertizasidan oʻtkazish boʻyicha Iqtisodiyot va moliya vazirligi huzuridagi Kadastr agentligi ekspert komissiyasining 2024 yil 16 may kungi 05-19-01-1587-sonli bayoni hamda ekspert xulosasi asos uchun qabul qilinsin.

2. Qonun hujjatlariga muvofiq deb topilgan geografik obʼektlar, yaʼni 26 ta qabristonlar, 11 ta ziyoratgoh, 3 ta bogʻ va 2 ta maydon nomlari toʻgʻrisidagi takliflar ilovaga asosan tasdiqlansin.

3. Andijon shahar hokimining qurilish, toʻsiqlarsiz muxit yaratish, kommunikatsiyalar, ekologiya va koʻkalamzorlashtirishmasalalari boʻyicha oʻrinbosari K.Mamadaliyevga Iqtisodiyot va moliya vazirligi huzuridagi Kadastr agentligiga Geografik obʼektlarning nomlari davlat reestriga kiritish uchun tegishli hujjatlarni yuborish vazifasi yuklatilsin.

4. Ushbu qaror “Andijonnoma” gazetasida rasman eʼlon qilinsin va Andijon shahar hokimligining rasmiy veb-saytiga joylashtirilsin.

5. Mazkur qaror ijrosini nazorat qilish xalq deputatlari shahar Kengashining mahalliy byudjet, tadbirkorlikni rivojlantirish va iqtisodiy islohotlar boʻyicha doimiy komissiyasi zimmasiga yuklatilsin.