Oʻzbekiston Respublikasi Budjet kodeksiga asosan 2025-yilda tuman mahalliy budjetining ijrosini sifatli yakunlash va bu borada hududiy budjet mablagʻlarini taqsimlovchilarini kreditorlik qarzlar vujudga kelishini oldini olish shuningdek, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga asosan xalq deputatlari Jomboy tumani Kengashining oʻn oltinchi sessiyasi qaror qiladi:

1. Jomboy tumani mahalliy budjeti xarajatlarini 2025-yilda maqbullashtirish natijasida shakllangan mablagʻlarni ilovaga asosan hududiy budjet mablagʻlarini taqsimlovchilariga ish haqi va yagona ijtimoiy soliq uchun yoʻnaltirilsin.

2. Jomboy tumani iqtisodiyot va moliya boʻlimi (S.Salomov) Jomboy tumani mahalliy budjetining 2025-yilgi xarajatlari rejalariga tegishli oʻzgartirish kiritsin.

3. Mazkur qaror bajarilishini nazorat qilish xalq deputatlari Jomboy tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (U.Mamatov) zimmasiga yuklatilsin.

4. Ushbu qaror qabul qilingan kundan kuchga kiradi.