Kun tartibidagi masala boʻyicha xalq deputatlari tuman Kengashining “Sud-huquq masalalari va korrupsiyaga qarshi kurashish boʻyicha doimiy komissiya” raisi Z. Xomidovning Xalq deputatlari Baliqchi tumani Kengashining 22-“Avesto” saylov okrugi deputati Z. Xomidovning “Koʻl” MFY raisi M. Kasimovning 05.12.2024-yil kungi 8/24-sonli xati boʻyicha yaʼni Baliqchi tumani “M. Ulugʻbek” nomli shirkat xoʻjaligi yerlaridan 120 nafar fuqarolarga yer uchastkalari ajratilgan boʻlib ushbu yer uchastkalari Koʻl MFY Yangiobod koʻchasi deb nomlanib kelinayotganligi lekin kadastr hujjatlarida Sortepa MFY A. Navoiy koʻchasi deb rasmiylashtirilgan. Ushbu kamchiliklarni kadastr hujjatlarini toʻgʻrilab Baliqchi tumani Sortepa MFYning A. Navoiy koʻchasi va u yerda yashovchi xonadon (ega)larini Koʻl MFY Yangiobod koʻchasiga qoʻshish yuzasidan tuman Kengashi deputati S. Xonkeldiyeva bilan oʻrganish oʻtkazdilar.

Oʻrganish natijasida mazkur yerlar haqiqatan xam M. Ulugʻbek massivi hududiga kirishligi ayrim xatoliklar tufayli hujjatlarda chalkashliklar yuzaga kelganligi surishtiruv ishlarida oʻz tasdigʻini topdi.

Ushbu qaror loyihasi “Normativ-huquqiy hujjatlar toʻgʻrisida”gi Qonunning 24-moddasiga muvofiq normativ-huquqiy hujjatlar loyihalari muhokamasi portalida (regulation.gov.uz) jamoatchilik hokamasini oʻtkazish uchun qonunchilikda belgilangan tartibda joylashtiriladi.

Yuqoridagilarni inobatga olgan holda hamda Oʻzbekiston Respublikasining «Mahalliy davlat hokimiyati toʻgʻrisida»gi Qonunining 6-, 19-, 24- moddalariga asosan Xalq deputatlari Baliqchi tumani Kengashi qaror qiladi:

1. Xalq deputatlari Baliqchi tumani Kengashining 22-“Avesto” saylov okrugi deputati Z. Xomidovning “Koʻl” MFY hududiga Sortepa MFY A. Navoiy koʻchasida yashab kelayotgan 120 nafar fuqarolarni Yangiobod koʻchasi deb nomlab Koʻl MFY qoʻshish yuzasidan axboroti” maʼlumot va ijro uchun qabul qilinsin.

2. Baliqchi tumani “M. Ulugʻbek” nomli kolxoz yerlaridan 120 nafar fuqarolarga ajratilgan yer uchastkalari Koʻl MFY Yangiobod koʻchasiga qoʻshilgan deb qaror tasdiqlangandan soʻng kadastr hujjatlarida Sortepa MFY A. Navoiy koʻchasi deb rasmiylashtirilgan kamchiliklar kadastr hujjatlari toʻgʻrilanib Koʻl MFY Yangiobod koʻchasi deb eʼtirof etilsin va bu kamchiliklarni toʻgʻrilash tuman kadastr agentligi zimmasiga yuklatilsin.

3. Mazkur qaror ijrosini nazorat qilish “Sud-huquq masalalari va korrupsiyaga qarshi kurashish boʻyicha doimiy komissiyasi” (Z. Xomidov) zimmasiga yuklatilsin.

4. Ushbu qaror qabul qilingan kundan eʼtiboran kuchga kiradi.