Oʻzbekiston Respublikasi Vazirlar mahkamasining 2014-yil 4-martdagi “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi 48-son qarori hamda Geografik obyektlarga nom berish va ularni qayta nomlash toʻgʻrisidagi takliflarni Davlat eksperetizasidan oʻtkazish boʻyicha Kadastr agentligi ekspert komissiyasining 2025-yil 11-iyuldagi 05-19-11481-sonli xulosasi, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq xalq deputatlari tuman Kengashi qaror qiladi:

1. Geografik obyektlarga nom berish va ularni qayta nomlash toʻgʻrisidagi takliflarni Davlat eksperetizasidan oʻtkazish boʻyicha Kadastr agentligi ekspert komissiyasining 2025-yil 11-iyuldagi 05-19-11481-sonli xulosasi maʼqullansin.

2. Gurlan tumanidagi Shangʻi mahallasi nomi Baynalmilal deb va Paxtakor mahallasi nomi Shangʻi deb oʻzgartirilsin.

2. Tuman ichki ishlar boʻlimi (I. Mirzayev) mahallalar fuqaro yigʻinlariga eski muhr va shtamplari topshirilgandan keyin yangidan muhr va shtamp tayyorlatishga ruxsat bersin.

3. Davlat kadastrlari palatasi tuman filiali, tuman qurilish boʻlimi nomi oʻzgargan fuqarolar yigʻinlari bilan birgalikda bir oy muddatda geografik obyekt nomi qayd qilingan peshlavha oʻrnatsin.

4. Mazkur qaror “Gurlan hayoti” gazetasida eʼlon qilinsin va hokimlikning rasmiy veb-saytiga joylashtirilsin.

5. Ushbu qarorning ijrosini nazorat qilish xalq deputatlari Gurlan tumani Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi X. Tajimuratov hamda tuman hokimining oʻrinbosari Sh. Eshmetov va Oʻzbekiston mahallalari uyushmasi tuman boʻlimi raisi Dj. Xalmuratov zimmasiga yuklansin.