Oʻzbekiston Respublikasi Budjet kodeksining 27-, 126-moddalariga muvofiq, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24–moddalariga asosan Xalq deputatlari tuman Kengashi qaror qiladi:

1. Oʻzbekiston Respublikasi Iqtisodiyot va Moliya vazirligi hamda Andijon viloyati iqtisodiyot va moliya bosh boshqarmasining bildirishnomalari maʼlumot va ijro uchun qabul qilinsin.

2. Viloyat mahalliy budjeti daromadlarining 2025-yil 2-chorak aniqlangan rejasiga muvofiq tuman mahalliy budjeti daromadlariga kiritilgan oʻzgartirishlar 1-ilovaga muvofiq;

Qoʻrgʻontepa tumani mahalliy budjetining daromadlari va xarajatlarining 2025-yil 2-chorak ijrosi 2-ilovaga muvofiq tasdiqlansin.

3. Tuman mahalliy budjetining harajatlar qismiga:

Oʻzbekiston Respublikasi Iqtisodiyot va Moliya vazirligining 2025-yil 10-apreldagi 05-40-2156-sonli, 8 maydagi 05-40-2808-sonli, 10 iyundagi 05-40-3698-sonli, bildirishnomalariga asosan tuman mahalliy budjetiga kiritilgan oʻzgartirishlar Maktabgacha va maktab taʼlim sohasi (Davlat hususiy sherikchilik subsidiya) 3-ilovaga;

Oʻzbekiston Respublikasi Prezidentining 2025-yil 9-fevraldagi PF-16-son Farmoniga "Toza qoʻllar" dasturini amalga oshirish boʻyicha mablagʻlarni yoʻnaltirilishi 4-ilovaga;

Oʻzbekiston Respublikasi Prezidentining 2023-yil 10-apreldagi PQ-118-son qaroriga asosan ajratilgan mablagʻlarni yoʻnaltirilishi 5-ilovaga muvofiq tasdiqlansin.

4. Oʻzbekiston Respublikasi Budjet kodeksining 147-moddasiga muvofiq hududiy budjet taqsimlovchilar (budjet tashkilotlari va budjetdan mablagʻ oluvchilar) uchun 2025-yil 1-chorak uchun budjetdan ajratilgan mablagʻlar hajmiga kiritilgan oʻzgartirishlarning umumiy miqdori 6-ilovaga muvofiq maʼqullansin.

5. Tumandagi budjet tashkilotlarining 2025-yil 1-chorak xarajatlar smetasiga kommunal toʻlovlar narhlarining ortishi, ish haqi va unga tenglashtirilgan toʻlovlar uchun qoʻshimcha ajratilgan mablagʻlar, Davlat dasturlari ijrosini taʼminlash uchun kiritilgan oʻzgartirishlar, iqtisod qilingan mablagʻlarni maqbullashtirish, shuningdek, Xalq deputatlari tuman Kengashi va tuman hokimining qaror va farmoyishlari ijrosini taʼminlash maqsadida hamda budjet tashkilotlarining soʻrovnomalariga asosan kiritilgan oʻzgartirishlar 7-ilovaga muvofiq tasdiqlansin.

6. Bosh vazir oʻrinbosari Iqtisodiyot va moliya vaziri J.A. Qoʻchqorovning 2025-yil 27-fevraldagi Vazirlar Mahkamisida oʻtkazilgan muhokama yigʻilish 6-bayoni boʻyicha hududlarda 2025-yilda "tejamkorlik va barqarorlikni taʼminlash" tamoyili asosida budjet mablagʻlaridan oqilona foydalanish va samaradorligini oshirish chora-tadbirlari toʻgʻrisidagi ishlar yuzasidan Tuman mahalliy budjetidan mablagʻ bilan taʼminlanuvchi budjet tashkilotlarining 2025-yil harajatlar smetasida Mahalliy budjetdagi konunchilik hujjatlariga muvofiq boʻlmagan hamda past samarali xarajatlarni maqbullashtirish mablagʻlari 8-ilovaga muvofiq, maqbullashtirilgan mablagʻlar hisobidan budjet tashkilotlarining ish haqi va ijtimoiy soliq toʻlovlari hamda boshqa xarajatlarining yetishmagan qismini qoplash uchun ajratilgan mablagʻlar 9-ilovaga muvofiq tasdiqlansin.

7. Tuman hokimining birinchi oʻrinbosari (E. Yunusov),

soliq xizmati, iqtisodiyot va moliya va mutasaddi idoralar hamda tijorat banklari bilan birgalikda har bir tumanning oʻziga xos xususiyati va salohiyatidan kelib chiqqan holda qoʻshimcha manbalarni izlash va shu asosda mahalliy budjet daromadlar bazasini kengaytirish yoʻli bilan mahalliy budjet daromadlari prognozlarini soʻzsiz bajarish choralarini koʻrsin;

soliq bazasi va moliyaviy salohiyati kengaytirilishi yuzasidan samarali choralar koʻrib borsin;

Davlat budjeti va davlat maqsadli jamgʻarmalariga hamda mahalliy budjetga tushumlar toʻliq va oʻz vaqtida tushishi ustidan nazoratni tashkil etsin;

moliyalashtirish manbasi aniq boʻlmagan tadbirlarni amalga oshirish holatlariga toʻliq barham berish;

budjet mablagʻlaridan maqsadli va samarali foydalanish ustidan qatʼiy nazorat oʻrnatsin.

8. Tuman iqtisodiyot va moliya boʻlimi (S. Yuldashev):

budjetdan tashkilotlari bilan birgalikda budjetdan ajratilgan mablagʻlarni oʻz vaqtida maqsadli oʻzlashtirilishini taʼminlash yuzasidan zarur choralar koʻrsin;

budjet ijrosi jarayonida iqtisod qilingan mablagʻlarni maqbullashtirish va qayta taqsimlash yuzasidan tuman hokimligi hamda xalq deputatlari tuman Kengashiga takliflar kiritib borsin.

9. Tuman soliq inspeksiyasi (Z. Qosimova)ga aylanmadan soliq, jismoniy shaxslardan olinadigan mol-mulk va yer soligʻi prognoz koʻrsatkichlari bajarilishi ortda qolayotganligi koʻrsatib oʻtilsin hamda joriy yil yakuniga qadar ushbu soliq turlari boʻyicha tushumlarni alohida nazoratga olgan holda, belgilangan yillik prognoz koʻrsatkichlarini toʻliq bajarilishini taʼminlash vazifasi yuklatilsin.

10. Mazkur qaror matbuotda eʼlon qilinsin va tuman hokimligining rasmiy veb-saytiga joylashtirilsin.

11. Mazkur qaror ijrosini nazorat qilish Xalq deputatlari tuman Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi raisi U. Madaminov hamda tuman hokimining birinchi oʻrinbosari E. Yunusov zimmalariga yuklatilsin.