Geografik obektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 9-iyuldagi yigʻilish bayoni va bayonnoma bilan tasdiqlangan ekspert xulosasini inobatga olib, Oʻzbekiston Respublikasining “Geografik obektlarning nomlari toʻgʻrisida” va “Mahalliy davlat hokimiyati toʻgʻrisida”gi qonunining 6, 24-moddalariga asosan xalq deputatlari Quyi Chirchiq tuman Kengashi qaror qiladi:

1. Geografik obektlarni nomlash va qayta nomlash masalalari boʻyicha tuman komissiyasi raisining oʻrinbosari M. Kidirovaning hisoboti maʼlumot uchun qabul qilinsin.

2. Geografik obektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 9-iyuldagi yigʻilish bayoni va bayonnoma bilan tasdiqlangan ekspert xulosasiga asosan qonun hujjatlariga muvofiq deb topilgan tumandagi 588 ta koʻcha nomlari roʻyxati ilovaga asosan tasdiqlansin.

3. Quyi Chirchiq tuman Davlat soliq inspeksiyasi, tuman statistika boʻlimi, Davlat xizmatlari markazi, iqtisodiyot va moliya boʻlimi, tuman ichki ishlar boʻlimi, Davlat Kadastrlari palatasi tuman filiali va tegishli mutasaddi tashkilot rahbarlariga:

ushbu qaror bilan nomlangan 588 ta koʻcha nomini davlat roʻyxatidan oʻtkazish, ish yuritish hujjatlariga oʻzgartirish va qoʻshimchalar kiritish hamda boshqa tegishli tadbirlarni mazkur qarorga muvofiqlashtirish ishlarini amalga oshirsin;

tuman migratsiya va fuqarolikni rasmiylashtirish boʻlinmasi tomonidan fuqarolarni roʻyxatga olish va roʻyxatdan chiqarish masalalariga alohida eʼtibor qaratilsin.

4. Oʻzbekiston Respublikasi Iqtisodiyot va moliya vazirligi huzuridagi kadastr agentligining Davlat kadastrlari palatasi Quyi Chirchiq tuman filiali (Sh. Tagabaev) va tuman Davlat xizmatlari markazi (Z. Jumonov )ga:

“Geografik obektlarning nomlari toʻgʻrisida”gi Oʻzbekiston Respublikasining Qonuni, Oʻzbekiston Respublikasi Vazirlar Mahkamasining 2012-yil 16-oktyabrdagi “Geografik obektlarning nomlari toʻgʻrisida”gi Oʻzbekiston Respublikasining Qonuniga muvofiq geografik obektlarning nomlari sohasidagi ishlarni tartibga solish chora-tadbirlari haqida”gi 295-sonli qarori ijrosini taʼminlash yuzasidan koʻchalar nomi oʻzgartirilishi munosabati bilan aholidan belgilangan tartibda davlat boji undirmaslik choralari koʻrilsin.

5. Tuman hokimining oʻrinbosari (M. Botirov, V. Axmedov), Oʻzbekiston mahallalari uyushmasi Quyi Chirchiq tuman boʻlimi (O. Bakirov), Obodonlashtirish boshqarmasi (M. Axmedov)ga 1 oy muddatda ushbu qaror ilovasiga muvofiq tasdiqlangan roʻyxat asosidagi koʻchalarga ularning nomlari yozilgan metall koʻrsatkich va belgilar, peshlavhalarni bosqichma bosqich oʻrnatish, almashtirish va olib borilgan ishlar yuzasidan maʼlumotlarni belgilangan muddatda Geografik obektlarni nomlash va qayta nomlash masalalari” boʻyicha tuman komissiyasi (M. Kidirova)ga taqdim etish vazifasi yuklatilsin.

6. Tuman ichki ishlar boʻlimi (D. Xusanov) fuqarolarning xorijga chiqish, kirish uchun hujjatlarini rasmiylashtirishda koʻchalarning nomlari qayta nomlanganligiga alohida eʼtibor qaratish, tegishli hujjatlarni rasmiylashtirishda geografik obekt nomlarini toʻgʻri yozilishini doimiy nazoratga olsin.

7. Mazkur qaror “Erkin soʻz” gazetasida rasman eʼlon qilinsin va hokimlikning rasmiy veb-saytiga joylashtirilsin.

8. Geografik obektlarni nomlash va qayta nomlash masalalari boʻyicha tuman komissiyasi raisining oʻrinbosari M. Kidirova geografik obektlarga nom berilganligi toʻgʻrisidagi tegishli hujjatlarni Geografik obektlar nomlarining davlat reestriga kiritish uchun oʻn kunlik muddatda Kadastr agentligiga taqdim etsin.

9. Mazkur qaror ijrosini nazorat qilish Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi (O. Bakirov) zimmasiga yuklatilsin.