Kosonsoy tuman hududida koʻchalardagi tirbandliklarni kamaytirish, yoʻl transport hodisalarini oldini olish hamda yoʻllarda harakat xavsizligini taʼminlash va harakat ishtirokchilariga qulaylik yaratish maqsadida, tuman markazidagi ayrim koʻchalarni bir tomonlama qilish boʻyicha toʻgʻrisidagi “Dastur”ni koʻrib chiqilib, aholiga qulayliklar yaratish maqsadida Xalq deputatlari Kosonsoy tumani Kengashining “Sud-huquq masalalari va korruptsiyaga qarshi kurashish” boʻyicha doimiy komissiyasi”ning qarorini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan, Xalq deputatlari Kosonsoy tuman Kengashi qaror qiladi:

1. Kosonsoy tuman hududida koʻchalardagi tirbandliklarni kamaytirish, yoʻl transport hodisalarini oldini olish hamda yoʻllarda harakat xavsizligini taʼminlash va harakat ishtirokchilariga qulaylik yaratish maqsadida, tuman markazidagi ayrim koʻchalarni bir tomonlama qilish boʻyicha “Dastur”ni maʼlumot uchun qabul qilinsin.

2. Ushbu “Dastur”ga asosan yoʻl harakati ishtirokchilariga:

Kosonsoy tuman markazidagi chorraha va tuman Tibbiyot birlashmasi yoʻlini bogʻlovchi “Gulobod” MFY “Sada Rayhon” koʻchasi hududidagi ichki xoʻjalik yoʻlini tuman markazi tomonidan kirib, “Gulobod” MFY hududidagi Tibbiyot birlashmasi binosi oldidagi koʻchaga chiqib ketadigan qilib qatnov qismini bir tomonlama qilinish;

Tuman markazi bilan “Oʻrta koʻcha” MFY hududini bogʻlovchi 0-114, Kosonsoy-Ravot-Chust avtomobil yoʻlining 0-1 kmgacha va “Sohibkor” MFY hududidagi “Mulla Raxim Qori” masjidiga etmasdan “Yaxshi niyat” koʻchasidan “Paxtakor” koʻchasiga oʻtuvchi ichki xoʻjalik yoʻldan, “Istiqlol” MFY, “Oʻrta koʻcha” MFY, “Taxtakoʻprik” MFY hududidan kelayotgan avtotransport vositalari harakatini bir tomonlama qilib, D-113 Toʻraqoʻrgʻon-Kosonsoy yoʻli 15-16 km. oraligʻidagi yoʻlga chiqadigan qilish;

“A. Jomiy” MFY hududidagi “Aʼloxon Mahdum” jomeʼ masjidi oldidan “Gulobod” MFY hududidagi chorrahaga chiqadigan bozor ichidagi ichki xoʻjalik yoʻlining bir tomonlama harakarlanish joriy etilsin.

3. Jamoatchilik fikrini inobatga olgan holda, tuman hokimining oʻrinbosari (A. Xudayberdiyev), tuman Yoʻllardan foydalanish davlat unitar korxonasi (O. Mirzaikromov), tuman Obodonlashtirish boshqarmasi (M. Tursunov) va boshqa mutasaddi tashkilotlar hamkorlikda ikki hafta muddatda “A. Jomiy” MFY hududidagi “Aʼloxon Mahdum” jomeʼ masjidi oldidan kirish, “Gulobod” MFY hududidagi chorrahaga chiqish qismidagi bozor ichidagi ichki xoʻjalik yoʻlini:

Ushbu yoʻlning ikki tomonini avtomobillar uchun turargoh, bunda avtomobillar harakati yoʻlning oʻrtasidan taʼminlanadi, avtomobillarning avtoturargohga oson kirib-chiqishini taʼminlash uchun avtoturargohni maxsus jahon standartlaridan kelib chiqib 45°qiyalikda loyihalashtirilsin;

Ushbu yoʻlning infratuzilmasidan kelib chiqib, zarur yoʻl belgilarini oʻrnatish.

4. Goʻrmiron MFYning “Tuyatoydi” massiviga yoʻl transprot hodisalarini oldini olish, harakat xavsizligini taʼminlash maqsadida, yoʻl harakatini nazorat qiluvchi koʻchma mobil punktni “Hushyorxona” tashkil etishga ruxsat berilsin.

5. Tuman YHX boʻ limi (Sh. Mirzaodilov) bir oy ichida:

Tuman markazidagi shoshilinch xizmatlarning ish faoliyatiga taʼsir etish holatiga boʻyicha xulosalarini olish;

Ushbu hudud joylashgan tashkilot va idoralarga hamda hudud yashovchi aholiga tushuntirish ishlari olib borsin.

6. Tuman hokimining oʻrinbosari (A. Xudayberdiyev) hamda tuman yoʻllardan foydalanish davlat unitar korxonasi (O. Mirzaikromov) va manfaatdor tashkilotlar bilan hamkorlikda, ushbu qarorning ikkinchi bandida koʻrsatib oʻtilgan koʻchalardagi yoʻl belgilarni, yoʻl chiziqlarini hamda yoʻl infratuzilmasini bir tomonlama harakatga moslashtirsin.

7. Tuman hokimligi Axborot xizmati (R. Temirov) va “Kosonsoynoma” gazetasi (O. Olimov)larga, tuman markazidagi ayrim koʻchalarni bir tomonlama boʻlganini keng jamoatchilik yetkazib borsin.

8. Ushbu qaror rasmiy eʼlon qilingan kundan eʼtiboran kuchga kiradi.

9. Mazkur qarorni ijrosini tuman hokimining oʻrinbosari (A. Xudoyberdiyev)ga va nazorat qilishni Xalq deputatlari Kosonsoy tumani Kengashining Sud-huquq masalalari va korruptsiyaga qarshi kurashish boʻyicha doimiy komissiyasi (A. Dadajonov)ga zimmalariga yuklatilsin