Oʻzbekiston Respublikasi iqtisodiyot va moliya vazirligi huzuridagi Kadastr agentligi ekspert komissiyasining Geografik obyektlarni nomlash va qayta nomlash toʻgʻrisidagi takliflarning qonun hujjatlari talablariga muvofiqligi haqidagi 2024-yil 16-maydagi 05-19-01-1587-sonli xulosasini koʻrib chiqib, Oʻzbekiston Respublikasining 2011-yil 12-oktyabrdagi “Geografik obyektlarning nomlari toʻgʻrisida”gi 303-son Qonuni va Oʻzbekiston Respublikasi Vazirlar Mahkamasining 2012-yil 16-oktyabrdagi “Geografik obyektlarning nomlari toʻgʻrisidagi Oʻzbekiston Respulikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 295-sonli qarori hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6-, 24-moddalariga asosan xalq deputatlari Asaka tuman Kengashi qaror qiladi:

1. Asaka tuman hokimligi “Geografik obyektlarni nomlash qayta nomlash masalalari boʼyicha tuman komissiyasi”ning taklifi hamda Oʻzbekiston Respublikasi iqtisodiyot va moliya vazirligi huzuridagi Kadastr agentligi ekspert komissiyasining Geografik obyektlarni nomlash va qayta nomlash toʻgʻrisidagi takliflarning qonun hujjatlari talablariga muvofiqligi haqidagi 2024-yil 16-maydagi 05-19-01-1587-sonli xulosasi maʼlumot uchun qabul qilinsin.

2. “Geografik obyektlarga nom berish va ularni qayta nomlash toʻgʻrisidagi takliflarning qonun hujjatlariga muvofiqligi haqida”gi ekspert xulosasi bilan qonun hujjatlariga muvofiq deb topilgan tumandagi jami 105 ta (1 ta istirohat bogʻi, 1 ta xiyobon, 5 ziyoratgoh va 98 ta qabriston) nomlari roʻyxati 1-ilovaga asosan tasdiqlansin.

3.Tuman qurilish boʻlimi boshligʻi (U. Nazarov), Davlat kadastrlar palatasi tuman filiali boshligʻi (I. Sherov), tuman soliq inspektsiyasi boshligʻi (I. Raximov), tuman statistika boʻlimi boshligʻi (Z. Bozorboyev), tuman iqtisodiyot va moliya boʻlimi boshligʻi (O. Ashurov), tuman davlat xizmatlari markazi rahbari (M. Boboxonov) va boshqa tegishli mutasaddi davlat organlari bilan birgalikda Qonun hujjatlariga muvofiq deb topilgan ziyoratgoh, qabriston, istirohat bogʻlari nomlari boʻyicha ish yuritish hujjatlariga tegishli oʻzgartirish va qoʻshimchalar kiritish bilan boʻliq barcha tadbirlarni amalga oshirish vazifasi yuklatilsin.

4. Asaka tuman hokimining oʻrinbosari (U. Qurbonov), tuman obodonlashtirish boshqarmasi (B. Asqarov), tuman bosh imom hatibi (O. Raximov), Oʻzbekiston mahallalar uyushmasi tuman boʻlimi (I. Djoʻraboyev) larga:

qonun hujjatlariga muvofiq deb topilgan qabriston nomlarini aholi oʻrtasida keng targʻib qilish, belgilangan tartibda zamonaviy koʻrinishdagi OʻzDST texnik shartlariga javob beradigan peshlavhalar yozib oʻrnatish ishlarini tashkil etsinlar.

5. Belgilansinki, geografik obyektlarning nomlari sohasidagi ishlarni moliyalashtirish mahalliy byudjet mablagʼlari va qonun hujjatlarida taʼqiqlanmagan boshqa manbaalar hisobidan amalga oshiriladi.

6. Asaka tuman Geografik obyektlarni nomlash va qayta nomlash masalalari boʻyicha tuman komissiyasi (X. Gʻanijonov)ga 10 kun muddatda:

Ushbu qaror nusxasini geografik obyektlarga nom berish va ularning nomlarini oʻzgartirish masalalari boʻyicha viloyat komissiyasiga yuborish;

Oʻzbekiston Respublikasi iqtisodiyot va moliya vazirligi huzuridagi Kadastr agentligiga Geografik obyektlar ziyoratgoh, qabriston, istirohat bogʻlariga tavsiya etilgan nomlarni davlat reestriga kiritish uchun tegishli hujjatlar taqdim etish vazifasi yuklatilsin.

7. Tuman hokimligi matbuot xizmati va rasmiy veb-saytiga hamda “Asaka hayoti” gazetasiga joylashtiriisin.

8. Ushbu qarorning ijro etilishini nazorat qilish Asaka tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyichaoʻrinbosari U. Qurbonov zimmasiga yuklatilsin.