Namangan viloyati hokimining 2025-yil 6-avgustdagi “Oʻzbekiston Respublikasi Vazirlar Mahkamasining “In-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash tartibi toʻgʻrisidagi nizomni tasdiqlash haqida” 2025-yil 28-iyuldagi 468-son qarori ijrosi haqida”gi 382-6-0-Q/25-sonli qarori ijrosini maqsadida, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 21¹-moddalariga asosan, qaror qilaman:

1. Namangan viloyati hokimining 2025-yil 6-avgustdagi “Oʻzbekiston Respublikasi Vazirlar Mahkamasining “In-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash tartibi toʻgʻrisidagi nizomni tasdiqlash haqida” 2025-yil 28-iyuldagi 468-son qarori ijrosi haqida”gi 382-6-0-Q/25-sonli qarori rahbarlik va ijro uchun qabul qilinsin.

2. Oʻzbekiston Respublikasi Vazirlar Mahkamasining 2025-yil 28-iyuldagi 468-sonli qarori bilan:

Quyidagilarni nazarda tutuvchi “In-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash tartibi toʻgʻrisidagi nizom ilovaga muvofiq tasdiqlanganligi;

muvofiqlik sertifikatiga (ixtiyoriy) ega boʻlgan “in-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash uchun ariza bilan murojaat qilish hamda murojaatlarni koʻrib chiqilishi;

muvofiqlik sertifikatiga (ixtiyoriy) ega boʻlgan “in-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash uchun subsidiya ajratilishi;

muvofiqlik sertifikatiga (ixtiyoriy) ega boʻlgan “in-vitro” sharoitida koʻpaytirilgan payvandtagli meva va tok koʻchatlarini parvarishlash boʻyicha majburiyatlarning bajarilishi yuzasidan monitoring yuritilishi;

Belgilanishicha, muvofiqlik sertifikatiga (ixtiyoriy) ega boʻlgan “in-vitro” sharoitida koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash uchun subsidiyalar Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligining Agrosanoatni rivojlantirish va qoʻllab-quvvatlash davlat maqsadli jamgʻarmasi mablagʻlari hisobidan ajratilishi maʼlumot va ijro uchun qabul qilinsin.

3. “In-vitro” sharoitda koʻpaytirilgan payvandtagli meva va tok koʻchatlarini xarid qilish xarajatlarining bir qismini qoplash uchun subsidiya ajratishga koʻmaklashuvchi tuman ishchi guruhi 1-ilovaga muvofiq tasdiqlansin.

4. Tuman hokimining qishloq va suv xoʻjaligi masalalari boʻyicha oʻrinbosari - tuman qishloq xoʻjaligi boʻlimi boshligʻi I. Axmadaliyev, Agrosanoatni rivojlantirish agentligining tuman boʻlimi mutaxassisi (F. Muxammedov), Fermerlar kengashi (Yu. Raisaliyev), Oʻsimliklar karantini va himoyasi tuman boʻlimi (X. Tursunov)lar bilan birgalikda Namangan viloyati hokimining 2025-yil 6-avgustdagi 382-6-0-Q/25-sonli qarori talablaridan kelib chiqib ish tashkil qilsin.

5. Mazkur qarorning ijrosini nazorat qilish tuman hokimining qishloq va suv xoʻjaligi masalalari boʻyicha oʻrinbosari – tuman qishloq xoʻjaligi boʻlimi boshligʻi I. Axmadaliyev zimmasiga yuklansin.