Oʻzbekiston Respublikasi Budjet Kodeksining 126-moddasiga asosan, tuman hokimligining Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining Qarorlari, Farmonlari hamda Oʻzbekiston Respublikasi Prezidentining hududlarga tashrifi davomida bergan topshiriqlari ijrosini taʼminlash, tumanni ijtimoiy-iqtisodiy rivojlantirish hamda kechiktirib boʻlmaydigan boshqa tadbirlarga tuman mahalliy budjetining 2025-yil 2-chorak yakuni boʻyicha daromadlar rejasining ortigʻi bilan bajarilgan qismi hisobidan mablagʻlar ajratish toʻgʻrisidagi takliflarini koʻrib chiqib, xalq deputatlari tuman Kengashi deputatlari tomonidan bildirilgan takliflar, fikr va mulohazalarni inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga asosan Xalq deputatlari Yakkabogʻ tuman Kengashi qaror qiladi:

1. Tuman hokimligining tuman mahalliy budjetining 2025-yil 2-chorak yakuni boʻyicha daromadlar rejasining ortigʻi bilan bajarilgan qismi hisobidan mablagʻlar ajratish toʻgʻrisidagi takliflari maʼlumot uchun qabul qilinsin.

2. Tuman mahalliy budjetining 2025-yil 2-chorak yakuni boʻyicha daromadlar rejasining ortigʻi bilan bajarilgan qismi hisobidan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining Qarorlari, Farmonlari hamda Oʻzbekiston Respublikasi Prezidentining hududlarga tashrifi davomida bergan topshiriqlari ijrosini taʼminlash, tumanni ijtimoiy-iqtisodiy rivojlantirish shuningdek, kechiktirib boʻlmaydigan boshqa tadbirlarga ajratiladigan mablagʻlar 1-ilovaga muvofiq maʼqullansin.

3. Tuman hokimining birinchi oʻrinbosari (A. Latipov) hamda tuman Iqtisodiyot va moliya boʻlimi boshligʻining birinchi oʻrinbosari (Sh. Eshmatov)lar;

belgilangan muddatlarda mazkur qarorning ilovasiga muvofiq koʻzda tutilgan tadbirlarni oʻz vaqtida bajarilishini taʼminlash maqsadida tegishliligi boʻyicha mablagʻlarni moliyalashtirish choralarini koʻrish,

Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni va Oʻzbekiston Respublikasi Budjet Kodeksi talablariga asosan tuman mahalliy budjetining xarajatlar qismiga belgilangan tartibda tegishli oʻzgartirishlar kiritish,

ajratilgan maqsadli mablagʻlarni oʻz vaqtida va samarali ishlatilishi yuzasidan moliyaviy hisobotlar asosida tizimli oʻrganishlar oʻtkazish, oʻtkazilgan oʻrganishlar natijalariga koʻra, ishlatilmasdan qolgan va iqtisod qilingan mablagʻlarni tuman mahalliy budjetiga qaytarish choralarini koʻrish vazifalari yuklatilsin.

4. Tuman hokimligi, tegishli tashkilot rahbarlari va masʼul xodimlariga, mazkur qarorning ilovasiga muvofiq koʻzda tutilgan mablagʻlardan oʻz vaqtida belgilangan tartiblar asosida maqsadga muvofiq foydalansinlar.

5. Tuman Gʻaznachilik xizmati boʻlimi boshligʻi (J.Rajabov) ajratiladigan mablagʻlar boʻyicha shartnomalarni oʻz vaqtida roʻyxatdan oʻtkazish va xarajatlarni belgilangan tartibda amalga oshirilishini taʼminlasin.

6. Mazkur qaror bajarilishini nazorat qilish xalq deputatlari Yakkabogʻ tuman Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi A.Joʻraev hamda tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-Iqtisodiyot va moliya boʻlimi boshligʻi A. Latipovlar zimmasiga yuklatilsin.

7. Mazkur qaror eʼlon qilingan kundan eʼtiboran kuchga kiradi.