Oʻzbekiston Respublikasi Vazirlar Mahkamasining “2025-yilda davlat tomonidan ijtimoiy-iqtisodiy rivojlantirish dasturlarini amalga oshirishda fuqarolik jamiyati institutlarini ijtimoiy sheriklik asosida jalb qilish dasturini tasdiqlash toʻgʻrisida” 2025-yil 8-iyuldagi 420-son hamda Namangan viloyati hokimining 2025-yil 21-iyuldagi 348-6-0-Q/25-sonli qarorlarini tumanda ijrosini taʼminlash maqsadida, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 211-moddalariga asosan, qaror qilaman:

1. Oʻzbekiston Respublikasi Vazirlar Mahkamasining “2025-yilda davlat tomonidan ijtimoiy-iqtisodiy rivojlantirish dasturlarini amalga oshirishda fuqarolik jamiyati institutlarini ijtimoiy sheriklik asosida jalb qilish dasturini tasdiqlash toʻgʻrisida” 2025-yil 8-iyuldagi 420-son hamda Namangan viloyati hokimining 2025-yil 21-iyuldagi 348-6-0-Q/25-sonli qarorlarini tumanda rahbarlik va ijrosini taʼminlash uchun qabul qilinsin.

2. Oʻzbekiston Respublikasi Vazirlar Mahkamasining mazkur qarori bilan:

Quyidagilarni nazarda tutuvchi 2025-yilda davlat tomonidan ijtimoiy-iqtisodiy rivojlantirish dasturlarini amalga oshirishda fuqarolik jamiyati institutlarini ijtimoiy sheriklik asosida jalb qilish dasturi (keyingi oʻrinlarda — Dastur) ilovaga muvofiq tasdiqlanganligi:

davlat organlari va fuqarolik jamiyati institutlari oʻrtasida ustuvor ravishda inson huquqlarini himoya qilish, korrupsiyaga qarshi kurashish hamda taʼlim, tibbiyot, ekologiya, qurilish, transport, kommunal xoʻjaligi, bandlik, ijtimoiy xizmatlar koʻrsatish va boshqa sohalarning eng dolzarb muammolari yechimiga qaratilgan ijtimoiy sheriklikni yoʻlga qoʻyish;

tegishli soha va tarmoqlarda mavjud muammolarning taʼsirchan yechimini nazarda tutuvchi tashabbusli loyihalarni amalga oshirish;

jamiyat hayotining eng dolzarb sohalarida jamoatchilik nazoratini oʻrnatish;

Vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga Dasturda belgilangan vazifalarning ijrosi oʻz vaqtida va samarali bajarilishini taʼminlash vazifasi yuklatilganligi eʼtiborga olinsin.

3. Viloyat hokimining mazkur qarori bilan:

Boshqarma va tashkilotlar, Namangan shahar va tumanlar hokimliklari fuqarolik jamiyati institutlari uchun sayyor qabullar tashkil etish doirasida:

(a) har bir hududda fuqarolik jamiyati institutlari faoliyatida yuz berayotgan muammolarni hal etishga qaratilgan sayyor qabullar tashkil etilishini;

(b) sayyor qabul natijalari yuzasidan fuqarolik jamiyati institutlaridagi mavjud muammolarni hal etishga koʻmaklashish yuzasidan chora-tadbirlar ishlab chiqib, amalga oshirilishini;

Boshqarma va tashkilotlar, Namangan shahar va tumanlar hokimliklari boshqarma va tashkilotlar tomonidan oʻz faoliyatiga taalluqli va ijtimoiy ahamiyatga ega boʻlgan yoki fuqarolarning, yuridik shaxslarning huquqlari va qonuniy manfaatlariga, jamiyat manfaatlariga daxldor boʻlgan masalalar yuzasidan jamoatchilik eshituvlarini tashkil etilishini;

Bunda, quyidagi choralar koʻrilsin:

(a) jamoatchilik eshituviga kiritilayotgan masalalar, eshituvni oʻtkazish muddati va tartibini ishlab chiqish:

(b) jamoatchilik eshituvini oʻtkazish muddati haqida rasmiy veb-saytlarda eʼlon qilish;

(d) jamoatchilik eshituvini oʻtkazish vazifalari yuklatilganligini tumanda maʼlumot va ijro uchun qabul qilinsin.

4. Tuman hokimining oʼrinbosari (M. Soibboyev), tegishli tashkilot, idora va korxonalar bilan birgalikda fuqarolik jamiyati institutlari uchun sayyor qabullar tashkil etish doirasida:

(a) har bir hududda fuqarolik jamiyati institutlari faoliyatida yuz berayotgan muammolarni hal etishga qaratilgan sayyor qabullar tashkil etsin;

(b) sayyor qabul natijalari yuzasidan fuqarolik jamiyati institutlaridagi mavjud muammolarni hal etishga koʻmaklashish yuzasidan chora-tadbirlar ishlab chiqib, amalga oshirsin.

5. Tuman hokimining oʼrinbosarlari (E. Toshpulatov, M. Soibboyev, R. Xojiyev, A. Xudayberdiyev, Gʼ. Shodibekov, N. Axmedova)larga, tumanda tegishli tashkilot, idora va korxonalar tomonidan oʻz faoliyatiga taalluqli va ijtimoiy ahamiyatga ega boʻlgan yoki fuqarolarning, yuridik shaxslarning huquqlari va qonuniy manfaatlariga, jamiyat manfaatlariga daxldor boʻlgan masalalar yuzasidan jamoatchilik eshituvlarini tashkil etsin.

Bunda, quyidagi choralar koʻrilsin:

(a) jamoatchilik eshituviga kiritilayotgan masalalar, eshituvni oʻtkazish muddati va tartibini ishlab chiqish:

(b) jamoatchilik eshituvini oʻtkazish muddati haqida rasmiy veb-saytlarda eʼlon qilish;

(d) jamoatchilik eshituvini oʻtkazish.

6. Mazkur qarorning bajarilishini nazorat qilish tuman hokimining yoshlar siyosati, ijtimoiy rivojlantirish va maʻnaviy-maʻrifiy ishlar boʻyicha oʻrinbosari M. Soibboyev zimmasiga yuklansin.