Oʻzbekiston Respublikasining “Maʼmuriy-hududiy tuzilishi toʻgʻrisida”gi qonuni va Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklar chegaralarini belgilash tartibi toʻgʻrisida”gi Nizom ijrosi yuzasidan hamda tuman hokimining 2024-yil 14-dekabrdagi 200-2-37-F/24-sonli farmoyishiga asosan, Respublika aerogeodeziya markazi tomonidan Toshkent viloyati Oʻrta Chirchiq tumanidagi maʼmuriy-hududiy birliklar chegaralarini belgilash ishlarining yakuniga koʻra tumandagi shaharcha va qishloqlarining umumiy perimetri 534396 metr, umumiy maydoni 40740,11 gektar ekanligi aniqlandi.

Jumladan:

Qorasuv shaharchasi umumiy perimetri 8504 metr, umumiy maydoni 238,33 gektar;

Tuyaboʻgʻiz shaharchasi umumiy perimetri 7622 metr, umumiy maydoni 196,31 gektar;

Kuchlik shaharchasi umumiy perimetri 9474 metr, umumiy maydoni 186,04 gektar;

Alisher Navoiy qishlogʻi umumiy perimetri 67791 metr, umumiy maydoni 6705,52 gektar;

Angor qishlogʻi umumiy perimetri 29130 metr, umumiy maydoni 3258,05 gektar;

Haqiqat qishlogʻi umumiy perimetri 65688 metr, umumiy maydoni 3505,1 gektar;

Istiqbol qishlogʻi umumiy perimetri 39285 metr, umumiy maydoni 3201,58 gektar;

Oqota qishlogʻi umumiy perimetri 23135 metr, umumiy maydoni 2073,71 gektar;

Oʻrtasaroy qishlogʻi umumiy perimetri 30196 metr, umumiy maydoni 2594,75 gektar;

Paxtakor qishlogʻi umumiy perimetri 36707 metr, umumiy maydoni 2545,7 gektar;

Paxtaobod qishlogʻi umumiy perimetri 49545 metr, umumiy maydoni 3564,12 gektar;

Qorasuv qishlogʻi umumiy perimetri 37092 metr, umumiy maydoni 3709,20 gektar;

Tuyaboʻgʻiz qishlogʻi umumiy perimetri 57010 metr, umumiy maydoni 2487,58 gektar;

Uyshun qishlogʻi umumiy perimetri 28022 metr, umumiy maydoni 2523,53 gektar;

Yangi turmush qishlogʻi umumiy perimetri 13228 metr, umumiy maydoni 885,01 gektar;

Yoʻngʻichqoli qishlogʻi umumiy perimetri 31967 metr, umumiy maydoni 3065,58 gektar;

Oʻrta Chirchiq tumani maʼmuriy-hududiy birliklar chegaralarini belgilashda shaharcha va qishloqlar chegaralari ajratib koʻrsatilgan holda tavsiflandi. Chegaralar chizigʻining yozuvli matni tavsifida joyning tegishli topografik elementlari bilan bogʻlanib, chegara nuqtalari oʻrtasidagi masofasi va chegara chizigʻining qutb yoʻnalishlari aks ettirildi. Chegara chizigʻining burilish nuqtalari koordinatalari koʻrsatildi.

Kun tartibidagi masala yuzasidan Davlat kadastrlari palatasining Oʻrta Chirchiq tumani filiali rahbarining axborotini tinglab, taqdim etilgan maʼlumotlar fikr va mulohazalarini hamda taklif va tavsiyalarini atroflicha oʻrganib chiqib, “Oʻzbekiston Respublikasining Maʼmuriy-hududiy tuzilishi toʻgʻrisida”gi Qonunning 10-moddasi hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6 va 24-moddalariga asosan Xalq deputatlari tuman Kengashi qaror qiladi:

1. Davlat kadastrlari palatasining Oʻrta Chirchiq tumani filiali rahbari F. Rasulovning Oʻrta Chirchiq tumanidagi maʼmuriy-hududiy birliklar chegaralarini belgilash toʻgʻrisidagi axboroti hamda Respublika aerogeodeziya markazi tomonidan Oʻrta Chirchiq tumanidagi shahar, shaharcha va qishloqlarning chegaralarini belgilash boʻyicha bajarilgan ishlarning yakuniy natijalarini koʻrib chiqish yuzasidan tuman hokimligida tuzilgan ishchi guruh tarkibining 2025-yil 16-iyun 15-sonli yigʻilish bayoni maʼlumot uchun qabul qilinsin.

2. Oʻrta Chirchiq tumanidagi maʼmuriy-hududiy birliklar chegaralarini belgilash ishlari yakuniy natijalari toʻgʻrisidagi maʼlumot 1-ilovaga hamda maʼmuriy-hududiy birliklarning chegaralarini belgilash boʻyicha kartografik chizmasi 2-ilovaga muvofiq tasdiqlansin.

3. Xalq deputatlari Oʻrta Chirchiq tuman Kengashining 2023-yil 12-dekabrdagi VI-64-80-10-143-K/23-sonli hamda Xalq deputatlari Toshkent viloyati Kengashining 2024-yil 13-martdagi VI-88-25-10-0-K/24-sonli qaroriga asosan 2406,12 ga (Oqota qishlogʻidan 1619,36 ga, Qumovul qishlogʻi 730,20 ga, Sholikor shaharchasi 56,56 ga) yer maydoni Toshkent shahri tarkibidagi Yangi Toshkent tumani hududiga oʻtkazilishi Oʻzbekiston Respublikasining Oliy Majlisi Senatining qaroriga asosan oʻzgartirish kiritilishi inobatga olinsin.

4. Tuman hokimligi matbuot xizmati A. Ergashevga mazkur qarorni tuman hokimligining rasmiy veb-saytida yoritilishini taʼminlasin.

5. Ushbu qarorning tasdigʻi Toshkent viloyati Xalq deputatlari Kengashidan soʻralsin.

6. Mazkur qarorning ijrosini nazorat qilish Xalq deputatlari tuman Kengashining doimiy komissiyalari va tuman hokimining barcha oʻrinbosarlari zimmalariga yuklatilsin.