Oʻzbekiston Respublikasi Suv xoʻjaligi vazirligining 2025-yil 20-maydagi 01/23-128-sonli majlis bayoni qarori bilan Qoraqalpogʻiston Respublikasi uchun qoʻshimcha 379 mln m³ suv limiti ajratilib, Qoraqalpogʻiston Respublikasi Suv xoʻjaligi vazirligining 2025-yil 29-maydagi 129-sonli buyrugʻiga asosan tumanlar kesimida limitlar qayta taqsimlangan.

Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qaroriga asosan Amudaryo tuman Suv yetkazib berish xizmati davlat muassasasi direktorining “Amudaryo tumani boʻyicha suv isteʼmolchilariga oʻrnatilgan cheklangan suv miqdori (limit)ni tasdiqlash to`g`risida”gi hisibotini tinglab va muhokama qilib Oʻzbekiston Respublikasining “Mahalliy davlat hokimyati toʻgʻrisida”gi Qonunining 6 va 24-moddalariga asosan xalq deputatlari Amudaryo tumani Kengashi qaror qiladi:

1. Amudaryo tuman Suv yetkazib berish xizmati davlat muassasasi direktorining “Amudaryo tumani boʻyicha suv isteʼmolchilariga oʻrnatilgan cheklangan suv miqdori (limit)ni tasdiqlash to`g`risida”gi hisiboti maʼlumot uchun qabul qilinsin.

2. Xalq deputatlari Amudaryo tuman Kengashining 2024-yil 24-sentabrdagi “Amudaryo tumani boʻyicha 2024-2025-yillar kuz-qish davri uchun suv olish limitlarini tasdiqlash toʻgʻrisida”gi VI-80-126-13-181-K/24-sonli qarorining 1-ilovasiga oʻzgartirishlar kiritilishi sababli mazkur qaror ilovasi unga kiritilgan oʻzgartirishlar bilan 1-ilovaga muvofiq qayta tasdiqlansin.

3. Xalq deputatlari Amudaryo tuman Kengashining 2025-yil 23-maydagi “Amudaryo tumani boʻyicha 2025-yilning sugʻorish mavsumi uchun suv olish limitlarini tasdiqlash toʻgʻrisida”gi VII-9-53-13-181-K/25-sonli qarorining 1-ilovasiga oʻzgartirishlar kiritilishi sababli mazkur qaror ilovasi unga kiritilgan oʻzgartirishlar bilan 2-ilovaga muvofiq qayta tasdiqlansin.

4. Ushbu qarorning ijrosini nazorat qilish tuman Kengashining Agrar, suv xoʻjaligi va ekologiya masalalari boʻyicha doimiy komissiyasi zimmasiga yuklatilsin.

5. Ushbu qaror qabul qilingan kundan kuchga kiradi.